តាមប្រភពពី Shanghaiistឱ្យដឹងថា បុរសវ័យ២៨ឆ្នាំ ត្រូវបានតុលាការសម្រេចកាត់ទោសប្រហារជីវិត ក្រោយពីសម្លាប់ក្មេងៗសិស្សសាលា ដោយកាំបិតអស់ចំនួន៩នាក់ និងមានអ្នករបួសមិនតិចជាង១០នាក់ទេ ស្ថិតនៅអនុវិទ្យាល័យមួយកាលពីខែមេសា ទើបពេលនេះត្រូវបានតុលាការសម្រេចក្តី ។…
តាមប្រភពពី Shanghaiistឱ្យដឹងថា បុរសវ័យ២៨ឆ្នាំ ត្រូវបានតុលាការសម្រេចកាត់ទោសប្រហារជីវិត ក្រោយពីសម្លាប់ក្មេងៗសិស្សសាលា ដោយកាំបិតអស់ចំនួន៩នាក់ និងមានអ្នករបួសមិនតិចជាង១០នាក់ទេ ស្ថិតនៅអនុវិទ្យាល័យមួយកាលពីខែមេសា ទើបពេលនេះត្រូវបានតុលាការសម្រេចក្តី ។
តាមការរាយការណ៍របស់តុលាការបានឲ្យដឹងថា ជនល្មើស ឈ្មោះ Zhao Zewei បានចាក់សម្លាប់ក្មេងៗសិស្សសាលាទាំងមិនស្គាល់ជានរណា គឺដោយសារតែខឹងចិត្តថា មិត្តភក្តិដែលរៀននៅសាលានេះ ធ្វើបាបកាលពី១០ឆ្នាំមុន ។ តុលាការបានចាត់ទុកទង្វើរបស់ Zhao ជាទង្វើដែលមិនអាចលើកលែងបាន ហើយក៏សម្រេចកាត់ទោសប្រហារជីវិត ។
នៅមុនពេលធ្វើសកម្មភាព Zhao បានទិញកាំបិតតាមអនឡាញចំនួន៥ ហើយដើរមកចាំនៅមុខសាលា ក្នុងសង្កាត់ Mizhi ដែលខ្លួនធ្លាប់ត្រូវមិត្តភក្តិធ្វើបាប កាលពី១០ឆ្នាំមុន ។ ដោយសារតែមិនឃើញមានមនុស្សធ្លាប់ស្គាល់ គេក៏យកកាំបិតទៅចាក់ក្មេងៗ ដែលដើរចេញពីសាលានៅម៉ោង៦ល្ងាចបង្កឱ្យបាត់បង់ជីវិត៩នាក់ និងរបួសមិនតិចជាង១០នាក់។
គួរបញ្ជាក់ផងដែរថា កាលពីមួយខែមុនក៏មានករណីស្រដៀងនេះកើតឡើងដែរ។ បុរសម្នាក់បានចាក់សម្លាប់ក្មេងពីរនាក់ ដែលដើរចេញពីសាលាបឋមសិក្សា។ ប៉ូលីសថា ទង្វើឃាតកម្មបែបនេះ ភាគច្រើនគឺមកពីជនល្មើសធ្លាប់ត្រូវគេធ្វើបាបកាលពីនៅក្មេង៕
ចែករំលែកព័តមាននេះ