ទីភ្នាក់ងារបរទេសកាលពីពេលថ្មីៗកន្លងមកផ្សាយថា មានមនុស្សចំនួន៤០០នាក់នាំគ្នាស្រាតថតអាសអាភាសរបស់ជាងថតលោក Spencer Tunick ដោយមានរុំក្រណាត់ពណ៌ក្រហមស្ដើងអាចមើលឃើញ នៅឯចំណតរថយន្តហាងទំនិញមួយកាលពីថ្ងៃទី៩ កក្កដាកន្លងមក ។ ពេលដំបូងខាងហាងបានបដិសេធអនុញ្ញាតឲ្យប្រើទីតាំងសាធារណៈនេះ ប៉ុន្តែក្រោយមកក៏ប្ដូរចិត្តវិញ ព្រោះមានពលរដ្ឋជាច្រើនសំណូមពរឲ្យថតដល់ទៅ១២.០០០នាក់ ។
លោកស្រីខូល ហ័រល័រ មនុស្សម្នាក់ក្នុងចំណោមអ្នកចូលរួមស្រាតថតនៅទីសាធារណៈ ត្រូវប្រឈមមុខនឹងអាកាសធាតុត្រជាក់៩អង្សាសេ នៅក្រុងមេលប៊នជាក្រុងធំស្ថិតនៅលំដាប់ទី២របស់អូស្ត្រាលី បានចំណាយពេលធុននឹងអាកាសធាតុដ៏ត្រជាក់ដល់ទៅ១៥នាទីក្នុងការថត ។
លោកស្រីបានថ្លែងថាខ្លួនប្រាណរបស់មនុស្សគឺជាវត្ថុដ៏ស្រស់ស្អាត ខណៈពេលលោក Spencer Tunick បានថ្លែងថាប្រញាប់មកថតដើម្បីកុំឲ្យពួកគេត្រូវប្រឈមមុខនឹងអាកាសធាតុដ៏ត្រជាក់ជាងនេះ ប៉ុន្តែរូបលោកក៏គិតថានឹងទទួលបានសមិទ្ធិផលយ៉ាងស្រស់ស្អាតនៅក្នុងពិធីនេះដែរ ៕
ចែករំលែកព័តមាននេះ