ការធ្វើទានដែលបានផលច្រើន គឺឱ្យដោយចិត្តជ្រះថ្លា ឱ្យដោយក្តីសន្តោស ពិសេសឱ្យទានដល់អ្នកទ័លក្រដែលកំពុងស្រេកឃ្លាន ផលនៃទាននោះនឹងបានច្រើនឥតគណនា ។ ខាងក្រោមនេះជាសប្បុរិសទាន៨យ៉ាងដែលជាគតិនៃការធ្វើទានគឺៈ ១-សុចី ទេតិ ឱ្យទានវត្ថុដ៏ស្អាត…
ការធ្វើទានដែលបានផលច្រើន គឺឱ្យដោយចិត្តជ្រះថ្លា ឱ្យដោយក្តីសន្តោស ពិសេសឱ្យទានដល់អ្នកទ័លក្រដែលកំពុងស្រេកឃ្លាន ផលនៃទាននោះនឹងបានច្រើនឥតគណនា ។
ខាងក្រោមនេះជាសប្បុរិសទាន៨យ៉ាងដែលជាគតិនៃការធ្វើទានគឺៈ
១-សុចី ទេតិ ឱ្យទានវត្ថុដ៏ស្អាត
២-បណីតំ ទេតិ ឱ្យវត្ថុដ៏ឧត្តមថ្លៃថ្លា
៣-កាលេន ទេតិ ឱ្យទានតាមកាលសម័យ
៤-កប្បិយំ ទេតិ ឱ្យវត្ថុជារបស់សមគួរ
៥-វិចេយ្យ ទេតិ ពិចារណាហើយទើបឱ្យ
៦-អភិណ្ហំ ទេតិ ឱ្យទានរឿយៗ ញឹកៗ ញយៗ
៧-ទទំ ចិត្តំ បសាទេតិ តាំងចិត្តឱ្យជ្រះថ្លាពេលកំពុងធ្វើទាន
៨-ទត្វា អត្តមនោ ហោតិ លុះឱ្យទានរួចហើយមានចិត្តត្រេកអរ ។
សប្បុរសធ្វើទានខ្លះ ពេលធ្វើរួចហើយដល់អស់ទ្រព្យច្រើនពេកទៅក៏នឹកស្តាយក្រោយ គឺស្តាយទ្រព្យដែលអស់ទៅនោះ។ ការធ្វើទានដោយចិត្តជាប់ជំពាក់បែបនេះនាំឱ្យសៅហ្មងដល់ផលនៃទាន មិនសូវបានទទួលបុណ្យកុសលប៉ុន្មានទេ ទោះជាទាននោះចំណាយក្នុងកម្រិតណាក៏ដោយ ។
ប៉ុន្តែបើបុគ្គលធ្វើទានរួចហើយ ត្រេកអរចំពោះទ្រព្យដែលខ្លួនបានបរិច្ចាគទៅនោះ ទានរបស់អ្នកនឹងរឹតតែប្រសើរឡើង ។
ចែករំលែកព័តមាននេះ