រាជធានីភ្នំពេញ ៖ រថយន្តកូរ៉េពីរតោនកន្លះមួយគ្រឿង បើកបោះពួយយ៉ាងលឿនបានបើកគេចពីម៉ូតូមួយគ្រឿងទៀតដែលជិះនៅខាងមុខរថយន្ត បម្រុងបត់ត្រឡប់ក្រោយ បណ្តាលឲ្យរថយន្តក្រឡាប់ដេកនៅតាមចិញ្ចើមផ្លូវតែម្នាក់ឯងរងរបួសតៃកុងរថយន្តម្នាក់ ។ ហេតុការណ៍នេះកើតឡើងកាលពីវេលាម៉ោង៩និង៣០នាទីយប់ថ្ងៃទី១១ ខែកក្កដា ឆ្នាំ២០១៨…
រាជធានីភ្នំពេញ ៖ រថយន្តកូរ៉េពីរតោនកន្លះមួយគ្រឿង បើកបោះពួយយ៉ាងលឿនបានបើកគេចពីម៉ូតូមួយគ្រឿងទៀតដែលជិះនៅខាងមុខរថយន្ត បម្រុងបត់ត្រឡប់ក្រោយ បណ្តាលឲ្យរថយន្តក្រឡាប់ដេកនៅតាមចិញ្ចើមផ្លូវតែម្នាក់ឯងរងរបួសតៃកុងរថយន្តម្នាក់ ។ ហេតុការណ៍នេះកើតឡើងកាលពីវេលាម៉ោង៩និង៣០នាទីយប់ថ្ងៃទី១១ ខែកក្កដា ឆ្នាំ២០១៨ ត្រង់ចំណុចខាងជើងច្រកចូលអធិការដ្ឋាននគរបាលខណ្ឌសែនសុខ តាមបណ្ដោយផ្លូវហាណូយ ស្ថិតក្នុងសង្កាត់ឃ្មួញ ខណ្ឌសែនសុខ ។
តាមប្រភពព័ត៌មានពីកន្លែងកើតហេតុបានឲ្យដឹងថា នៅពេលកើតហេតុគេឃើញម៉ូតូមិនចាំម៉ាកមួយគ្រឿងបានធ្វើដំណើរតាមបណ្ដោយផ្លូវហាណូយក្នុងទិសដៅពីជើងទៅត្បូង ។ លុះមកដល់ចំណុចកើតហេតុម៉ូតូខាងលើក៏បានបន្ថយល្បឿនបម្រុងបត់ត្រឡប់ក្រោយវិញ ។ ខណៈពេលនោះស្រាប់តែមានរថយន្តមួយគ្រឿងទៀត ពណ៌លឿងលាយស ពាក់ស្លាកលេខ ភ្នំពេញ 3D-5362 ជាប្រភេទរថយន្តកូរ៉េពីរតោនកន្លះ ដឹកទំនិញចាប់ហួយបើកបរដោយបុរសម្នាក់ និងព្រូពីរនាក់រួមដំណើរជាមួយបានបើកស្របទិសគ្នាមកពីក្រោយក្នុងល្បឿនយ៉ាងលឿនខ្វះការប្រុងប្រយ័ត្នបានវាក់អើ និងម៉ូតូខាងលើ ។
ភ្លាមៗនោះរថយន្តកូរ៉េក៏បានបួងចង្កូតទៅខាងស្តាំគេចចេញពីម៉ូតូទើបបណ្ដាលឲ្យរថយន្តចាក់ ក្រឡាប់ផ្ងារជើងតែឯងរងការខូចខាត និងបណ្តាលឲ្យតៃកុងរថយន្តម្នាក់រងបួសស្រាល ដោយឡែកម៉ូតូដែលបើកបត់ត្រឡប់ក្រោយខាងលើបានជិះបន្តដំណើរទៅបាត់ទៅ ។
ក្រោយពេលកើតហេតុសមត្ថកិច្ចមូលដ្ឋាន និងសមត្ថកិច្ចជំនាញបានចុះមកដល់ចំណុចកើតហេតុឃើញថា រថយន្តកូរ៉េខាងលើមិនបានបង្កគ្រោះថ្នាក់ដល់អ្នកដទៃ និងមិនមានបង្កដល់ទ្រព្យសម្បត្តិសាធារណៈអ្វីនោះ សមត្ថកិច្ចក៏បានឲ្យម្ចាស់រថយន្តធ្វើការស្ទូចយកចេញពីកន្លែងកើតហេតុយកទៅជួសជុល ៕
ចែករំលែកព័តមាននេះ