រាជធានីភ្នំពេញ ៖ នារីវ័យក្មេងម្នាក់កំពុងតែជិះម៉ូតូធ្វើដំណើរតាមផ្លូវសុខៗស្រាប់តែបុរសជាជនជាតិចិនម្នាក់បានបើករថយន្តសេរីទំនើបបត់ឆ្លងផ្លូវជ្រុលទៅបុកចំពាក់កណ្តាលម៉ូតូយ៉ាងពេញទំហឹង បណ្តាលឲ្យនារីរូបនោះរងរបួសធ្ងន់ ហេតុការណ៍នេះបានកើតឡើងនៅវេលាម៉ោង១និង៣០នាទីរំលងអធ្រាត្រឈានចូលថ្ងៃទី១១ ខែកក្កដា ឆ្នាំ២០១៨ សង្កាត់ទន្លេបាសាក់ ខណ្ឌចំការមន ។…
រាជធានីភ្នំពេញ ៖ នារីវ័យក្មេងម្នាក់កំពុងតែជិះម៉ូតូធ្វើដំណើរតាមផ្លូវសុខៗស្រាប់តែបុរសជាជនជាតិចិនម្នាក់បានបើករថយន្តសេរីទំនើបបត់ឆ្លងផ្លូវជ្រុលទៅបុកចំពាក់កណ្តាលម៉ូតូយ៉ាងពេញទំហឹង បណ្តាលឲ្យនារីរូបនោះរងរបួសធ្ងន់ ហេតុការណ៍នេះបានកើតឡើងនៅវេលាម៉ោង១និង៣០នាទីរំលងអធ្រាត្រឈានចូលថ្ងៃទី១១ ខែកក្កដា ឆ្នាំ២០១៨ សង្កាត់ទន្លេបាសាក់ ខណ្ឌចំការមន ។
តាមប្រភពព័ត៌មានពីកន្លែងកើតហេតុបានឲ្យដឹងថា មុនពេលកើតហេតុគេបានឃើញនារីវ័យក្មេងម្នាក់បានជិះម៉ូតូម៉ាកស្កុបពី ពណ៌ស ពាក់ស្លាកលេខ តាកែវ 1O- 0027 ធ្វើដំណើរតាមផ្លូវព្រះនរោត្តម ក្នុងទិសដៅពីត្បូងទៅជើង ខណៈមកដល់ចំណុចកើតហេតុក៏ស្រាប់តែបុរសជាជនជាតិចិនម្នាក់បានបើករថយន្តសេរីទំនើប ពណ៌ប្រផេះ ពាក់ស្លាកលេខ ភ្នំពេញ2AQ- 6692 ធ្វើដំណើរតាមផ្លូវព្រះនរោត្តមក្នុងទិសដៅពីជើងទៅត្បូងបានបត់ឆ្វេងឆ្លងចូលក្នុងមជ្ឈមណ្ឌលខាងលើក៏ជ្រុលទៅបុក និងម៉ូតូស្កុបពីដែលជិះដោយនារីវ័យក្មេងចំពាក់កណ្តាលពេញទំហឹង បណ្តាលឲ្យម៉ូតូខ្ទាតទៅលើចិញ្ចើមផ្លូវរងការខូចខាតមួយចំហៀងខាងឆ្វេង និងធ្វើឲ្យមនុស្សរងរបួសមួយចំហៀងខ្លួនខាងស្តាំ ភ្លាមៗនោះដែរជនរងគ្រោះត្រូវបានរថយន្តសង្គ្រោះបានមកដឹកជនរងគ្រោះយកទៅសង្គ្រោះ ។
ដោយឡែករថយន្តបង្កវិញរងការខូចខាតខ្ទេចកាងខាងមុខចំហៀងខាងឆ្វេង តែមិនមានគ្រោះថ្នាក់ដល់មនុស្សនោះទេ ហើយភ្លាមៗនោះដែរ បុរសជនជាតិចិនដែលជាអ្នកបើកបរត្រូវបានសមត្ថកិច្ចឃាត់ខ្លួនផងដែរ ។
ក្រោយពេលកើតហេតុដោយសារតែអត់មានដំណោះស្រាយរថយន្ត និងម៉ូតូត្រូវបានសមត្ថកិច្ចជំនាញធ្វើការវាស់វែងយកទៅរក្សាទុកនៅអធិការដ្ឋានខណ្ឌចំការមន ដើម្បីរង់ចាំធ្វើការដោះស្រាយនៅពេលក្រោយ ៕
ចែករំលែកព័តមាននេះ