រាជធានីភ្នំពេញ ៖ យុវជនម្នាក់បានចាកចេញពីស្រុកកំណើតពីខត្តព្រៃវែង មករកការងារធ្វើនៅភ្នំពេញ ទើបតែបានរយៈពេល១អាទិត្យប៉ុណ្ណោះ ហើយមិនដឹងថាមានវិបត្តិអ្វីចាក់ស្រេះក្នុងខ្លួនរហូតដោះស្រាយ មិនចេញនោះឡើយ។ ទើបគិតខ្លីសម្រេចចិត្តធ្វើអត្តឃាតដោយចងក បណ្ដាលឲ្យស្លាប់តាមបំណង ដោយសាច់ញាតិ…
រាជធានីភ្នំពេញ ៖ យុវជនម្នាក់បានចាកចេញពីស្រុកកំណើតពីខត្តព្រៃវែង មករកការងារធ្វើនៅភ្នំពេញ ទើបតែបានរយៈពេល១អាទិត្យប៉ុណ្ណោះ ហើយមិនដឹងថាមានវិបត្តិអ្វីចាក់ស្រេះក្នុងខ្លួនរហូតដោះស្រាយ មិនចេញនោះឡើយ។ ទើបគិតខ្លីសម្រេចចិត្តធ្វើអត្តឃាតដោយចងក បណ្ដាលឲ្យស្លាប់តាមបំណង ដោយសាច់ញាតិ និងមិត្តភក្ដិរួមការងារគ្មាននរណាម្នាក់បានដឹង និងជួយទាន់ឡើយ។
ហេតុការណ៍ខាងលើនេះ បានបង្កឲ្យមានការភ្ញាក់ផ្អើលឡើងកាលពីវេលាម៉ោង៣រសៀល ថ្ងៃទី១១ ខែកក្កដា ឆ្នាំ២០១៨នេះ ស្ថិតនៅលើឡៅតឿ ផ្ទះល្វែងមួយកន្លែងដែលមានទីតាំងស្ថិតនៅ តាមបណ្ដោយផ្លូវបេតុង ក្នុងភូមិប៉ប្រ៉កជើង សង្កាត់កាកាប១ ខណ្ឌពោធិ៍សែនជ័យ រាជធានីភ្នំពេញ។ យុវជនរូបនេះឈ្មោះ ពៅ ពីង អាយុ១៨ឆ្នាំ មុខរបរកម្មករសំណង់ ក្រុមហ៊ុនចិន ស្នាក់នៅក្នុងការដ្ឋាន សំណង់ ក្នុងភូមិកើតហេតុខាងលើ និងមានស្រុកកំណើតនៅក្នុងភូមិក្រសាំងទង ឃុំអង្គរាជ ស្រុកព្រះស្តេច ខេត្តព្រៃវែង។ តាមប្រភពព័ត៌មានពីកន្លែងកើតហេតុ យុវជនរងគ្រោះបានយកក្រមា ចងកជាប់ទៅនឹងបង្កាន់ដៃជណ្ដើរឡៅតឿក្នុងផ្ទះល្វែង ហើយត្រូវបានសាច់ញាតិប្រទះឃើញ។
ប៉ុន្តែគ្មាននរណាម្នាក់បានដឹងថា យុវជនរូបនេះមានវិបត្តិផ្លូវចិត្តអ្វីដោះស្រាយមិនចេញ ទើបដល់ថ្នាក់លែងចង់រស់ ហើយសម្រេចចិត្តចងកសម្លាប់ខ្លួនបែបនេះទេ។ ប្រភពដដែលបានបន្តថា នៅមុនពេលកើតហេតុនៅវេលាព្រឹកយុវជនរូបនេះបានធ្វើការងារជាធម្មតារហូតដល់ម៉ោងសម្រាកហូបបាយថ្ងៃត្រង់រួចយុវជននេះបានប្រាប់ថាសាច់ញាតិថា «ខ្ញុំមិនស្រួលខ្លួនសោះ ជួយកោសខ្យល់ឲ្យខ្ញុំផង»។ បន្ទាប់មកក៏បានសុំច្បាប់ឈប់សម្រាកពីការងារមួយល្ងាច ប៉ុន្តែខណៈនោះពុំមាននរណាម្នាក់អើពើ និងការពឹងពាក់ឲ្យជួយកោសខ្យល់នោះឡើយ។ ក្រោយមកសាច់ញាតិ និងមិត្តភក្ដិរួមការងារបាននាំគ្នា ចូលទៅធ្វើការងារអត់ទៅហើយនៅសល់តែយុវជននេះម្នាក់ឯងរួចក៏យកក្រមាទៅចងកសម្លាប់ខ្លួនតែម្ដង។
ប្រភពខាងលើបានបន្តថា លុះក្រោយពេលកើតហេតុ អ្នកស្នាក់នៅជិតនោះចុះពីជាន់លើ តាមជណ្ដើរនោះ ក៏បានប្រទះឃើញយុវជននេះចងកស្លាប់បាត់ទៅហើយ ទើបស្រែកឆោរឡោបង្កឲ្យមានការភ្ញាក់ផ្អើល។ បន្ទាប់មកបានរាយការណ៍ជូននគរបាលឲ្យចុះទៅពិនិត្យកោសល្យវិច្ច័យរួចដឹងថា ពិតជាចងកសម្លាប់ខ្លួនមែន ទើបក្រុមគ្រួសារនាំសពយកទៅធ្វើបុណ្យតាមប្រពៃណី៕
ចែករំលែកព័តមាននេះ