រាជធានីភ្នំពេញ ៖ បុរសម្នាក់បើករថយន្តមួយគ្រឿងក្នុងល្បឿនយ៉ាងលឿនមកដល់ផ្លូវកោងរង្វង់មូលព្រហ្មមុខបួនស្រាប់តែបែកកង់រេចង្កូតទៅបុកឃឿន និងបង្គោលភ្លើងបណ្តាលអោយវៀច និងខូចខាតរថយន្តខ្ទេចអស់មួយកំណាត់ខាងមុខ ហេតុការណ៍នេះបានកើតឡើងកាលពីវេលាម៉ោង១២និង៥០នាទីរំលងអធ្រាត្រឈានចូលថ្ងៃទី១១ ខែកក្កដា ឆ្នាំ២០១៨ តាមបណ្តោយផ្លូវជាតិលេខ៦នៅចំណុចរង្វង់មូលព្រហ្មមុខបួនត្រើយខាងកើត ស្ថិតនៅក្នុងសង្កាត់ជ្រោយចង្វារ ខណ្ឌជ្រោយចង្វារ ។
សាក្សីដែលឃើញហេតុការណ៍បានអោយដឹងថា មុនពេលកើតហេតុគេបានឃើញបុរសម្នាក់បើករថយន្តបង្កមួយគ្រឿងមួយបាំងកន្លះ ពណ៌ទឹកប្រាក់ ពាក់ស្លាកលេខ ភ្នំពេញ 2AU-2423 បើកបរតាមបណ្តោយផ្លូវជាតិលេខ៦ក្នុងទិសដៅពីជើងទៅត្បូងក្នុងល្បឿនយ៉ាងលឿនមិនដឹងថា ប្រញាប់ទៅណានោះទេបានជាបើកមកដល់ចំណុចរង្វង់មូលព្រហ្មមុខបួនហើយអត់បានបន្ថយល្បឿនចៃដន្យក៏ធ្វើអោយបែកកង់មុខបែកខាងឆ្វេងរួចរេចង្កូតជ្រុលទៅបុកឃឿនសួនច្បារហើយជ្រុលឡើងលើសួនច្បារទៅបុកបង្គោលភ្លើងបណ្តាលអោយបាក់ និងវៀចអស់មួយបង្គោល រីឯរថយន្តខ្ទេចអស់មួយកំណាត់ខាងមុខបើកទៅមុខលែងរួចសំណាងល្អហើយបានបង្គោលភ្លើងទប់ជាប់កុំអីមិនដឹងថាជាមានអ្នកធ្វើដំណើរម៉ូតូតាមនោះរងរបួសប៉ុន្មាននាក់នោះទេ ។
ក្រោយពេលកើតហេតុរថយន្តបង្កត្រូវបានសមត្ថកិច្ចធ្វើការវាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោកចាំដោះស្រាយគ្នានៅពេលក្រោយទៀត ៕
ចែករំលែកព័តមាននេះ