សារព័ត៌មានបរទេសកាលពីពេល ថ្មីៗកន្លងមកផ្សាយថា បុរសជនជាតិអាមេរិកម្នាក់បានបាញ់ប្រពន្ធដែលរស់នៅរួមគ្នារយៈពេល៦០ឆ្នាំ ព្រោះយល់ថា «ត្រូវខ្មោចសណ្ឋិត» ។ ហេតុការណ៍បានកើតឡើងកាលពីយប់ថ្ងៃទី២៥ មិថុនា ២០១៨ ។…
សារព័ត៌មានបរទេសកាលពីពេល ថ្មីៗកន្លងមកផ្សាយថា បុរសជនជាតិអាមេរិកម្នាក់បានបាញ់ប្រពន្ធដែលរស់នៅរួមគ្នារយៈពេល៦០ឆ្នាំ ព្រោះយល់ថា «ត្រូវខ្មោចសណ្ឋិត» ។ ហេតុការណ៍បានកើតឡើងកាលពីយប់ថ្ងៃទី២៥ មិថុនា ២០១៨ ។
បុរសនោះគឺលោកចូសេហ្វ ស្លូហ្គាស អាយុ៧៩ឆ្នាំ នៅរដ្ឋញូវចឺស៊ី ភាគខាងកើតសហរដ្ឋអាមេរិក បានបាញ់ត្រង់ករបស់លោកស្រីឡូរ៉េតតា ស្លូហ្គាស បណ្ដាលឲ្យស្លាប់បាត់បង់ជីវិតនៅកន្លែងកើតហេតុ ។
របាយការណ៍បញ្ជាក់ថាប្ដីប្រពន្ធមួយគូនោះរៀបការប្រហែល៥៩ឆ្នាំមុន ។ អយ្យការបានថ្លែងថា ក្នុងពេលកើតហេតុលោកចូសេហ្វស្ថិតនៅក្នុងអាការរោគចិត្តមួយ ក្រោយមកគេក៏ប្ដឹងប៉ូលិសពីហេតុការណ៍ដែលកើតឡើង ។ នៅពេលប៉ូលិសទៅដល់ចំណុចកើតហេតុក៏បានប្រទះឃើញសាកសពរបស់លោកស្រីឡូរ៉េតតានៅក្នុងបន្ទប់គេង ខណៈពេលលោកចូសេហ្វទទួលការចោទប្រកាន់ថាជាមនុស្សឃាត និងប្រើកាំភ្លើងខុសច្បាប់។
អយ្យការបានបញ្ជាក់ថាអ្នកបង្កហេតុកំពុងទទួលការព្យាបាលនៅមន្ទីរពេទ្យ និងកំពុងរិះរកពីវិធីផ្លាស់ទៅមន្ទីរពេទ្យរោគចិត្តបន្ត ៕
ចែករំលែកព័តមាននេះ