រាជធានីភ្នំពេញ ៖ ទីតាំងបាញ់អាប៉ោងមួយកន្លែងនៅចំណុចផ្លូវរថភ្លើង ក្រុម៦ ភូមិចុងខ្សាច់ សង្កាត់ទទួលសង្កែ១ ត្រូវបានកំលាំងនគរបាលអធិការដ្ឋាននគរបាលខណ្ឌឬស្សីកែវ ចុះបង្ក្រាបដោយឃាត់ខ្លួនអ្នកញៀនល្បែង២នាក់ ព្រមទាំងចានអាប៉ោង។ ការចុះបង្ក្រាបល្បែងស៊ីសងនេះបានធ្វើឡើងកាលពីវេលាម៉ោង៥ល្ងាចនៅថ្ងៃទី១០…
រាជធានីភ្នំពេញ ៖ ទីតាំងបាញ់អាប៉ោងមួយកន្លែងនៅចំណុចផ្លូវរថភ្លើង ក្រុម៦ ភូមិចុងខ្សាច់ សង្កាត់ទទួលសង្កែ១ ត្រូវបានកំលាំងនគរបាលអធិការដ្ឋាននគរបាលខណ្ឌឬស្សីកែវ ចុះបង្ក្រាបដោយឃាត់ខ្លួនអ្នកញៀនល្បែង២នាក់ ព្រមទាំងចានអាប៉ោង។ ការចុះបង្ក្រាបល្បែងស៊ីសងនេះបានធ្វើឡើងកាលពីវេលាម៉ោង៥ល្ងាចនៅថ្ងៃទី១០ ខែកក្កដា ឆ្នាំ២០១៨ ។
តាមសមត្ថកិច្ចបានអោយដឹងថា ជនសង្ស័យដែលឃាត់ខ្លួនចំនួន២នាក់រួមមាន ១-ឈ្មោះ ចាន់ តុង ភេទប្រុស អាយុ៤៤ឆ្នាំ មុខរបរកម្មករសំណង់ (ជាអ្នកលេង) ស្នាក់នៅភូមិចុងខ្សាច់ សង្កាត់ទទួលសង្កែ១ និង២-ឈ្មោះ សុខ ប្រុស ភេទប្រុស អាយុ២៧ឆ្នាំ មុខរបរកម្មករសំណង់ (អ្នកលេង) ស្នាក់នៅភូមិចុងខ្សាច់ សង្កាត់ទទួលសង្កែ១ ។
ដោយឡែកមេបើកលេងល្បែងបានរត់គេចខ្លួនបាត់ រីឯវត្ថុតាងដកហូតមាន ចានសំរាប់បាញ់អាប៉ោងចំនួន១ ផ្តិលដែកសំរាប់ក្របចំនួន១ ប្រាក់ចំនួន៦ម៉ឺនរៀល ។ វង់អាប៉ោងនេះត្រូវបានប្រជាពលរដ្ឋអោយដឹងថា បើកលេងកណ្តាលវាល ហើយក្រុមអ្នកញៀនល្បែងបាននាំគ្នាចាក់ និងហ៊ោកញ្ជៀវតែម្តង ។
នៅពេលសមត្ថកិច្ចចុះបង្ក្រាប ក្រុមអ្នកញៀនល្បែងបានរត់ប្រសេកប្រសាច ហើយសមត្ថកិច្ចឃាត់ខ្លួនជនសង្ស័យបានតែ២នាក់ប៉ុណ្ណោះ ។ ជនសង្ស័យរួមនឹងវត្ថុតាងត្រូវបានបញ្ជូនទៅកាន់អធិការដ្ឋានដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញដើម្បីអនុវត្តន៍តាមនីតិវិធី ៕
ចែករំលែកព័តមាននេះ