Messi នឹងគ្មានមុខលេងឱ្យជម្រើសជាតិអាហ្សង់ទីនទៀតទេ លើកលែងតែ…
តាមប្រភពព័ត៌មាន Soccer Laduma បានឲ្យដឹងថា អតីតជើងខ្លាំងរបស់ក្រុមជម្រើសជាតិអាហ្សង់ទីនដែលឈ្នះពាន World Cup កាលពីឆ្នាំ១៩៧៨ Mario Kempes…
តាមប្រភពព័ត៌មាន Soccer Laduma បានឲ្យដឹងថា អតីតជើងខ្លាំងរបស់ក្រុមជម្រើសជាតិអាហ្សង់ទីនដែលឈ្នះពាន World Cup កាលពីឆ្នាំ១៩៧៨ Mario Kempes មានអារម្មណ៍ថា Messi នឹងគ្មានមុខនៅអាហ្សង់ទីនទៀតទេលុះត្រាតែក្នុងករណីចាំបាច់បំផុត ។
នៅក្នុងការប្រកួត World Cup លើកនេះអាហ្សង់ទីនទៅស្រុកវិញនៅវគ្គ១៦ក្រុមចុងក្រោយក្នុងការប្រកួតជាមួយនឹងមាន់គកបារាំង ។ Messi ត្រូវបានគេរិះយ៉ាងខ្លាំងថា មិនបានទាត់ឲ្យចូលទីដូចពេលលេងឲ្យក្លិប Barcelona តែមានមនុស្សជាច្រើនគិតថា នេះដោយសារតែក្រុមខុសគ្នា សមត្ថភាពរបស់មិត្តរួមក្រុមក៏ខុសគ្នា ហើយការលេងបាល់មិនអាចពឹងតែលើមនុស្សម្នាក់បាននោះទេ ។
សម្រាប់អតីតជើងខ្លាំង Mario វិញបានប្រាប់សារព័ត៌មាន Mundo Albiceleste ថា «Messi នឹងបាត់មុខពីក្រុមជម្រើសជាតិ ដោយសារតែគេខំជួយអស់ពីសមត្ថភាពហើយ ។ គេនឹងអាចមកលេងក្នុងករណីណាចាំបាច់បំផុត» ។
ជាមួយគ្នានេះដែរ Mario ក៏បានបន្តថា «Messi គឺជាព្រលឹងរបស់ក្រុម ហើយប្រសិនបើមានរឿងអ្វីមិនល្អកើតឡើង គ្មាននរណាម្នាក់ជួយសម្រាលបន្ទុកនេះពី Messi បានទេ ។ កីឡាករក្នុងក្រុមជម្រើសជាតិពិតជាខ្វះភាពក្លាហានមែនទែន» ។
គួរបញ្ជាក់ផងដែរថា Messi បានស៊ុតគ្រាប់បាល់បញ្ចូលទីជូនក្រុមជម្រើសបាន១១០គ្រាប់ ក្នុងការប្រកួត១២៦តាំងពីចូលលេងដំបូងនៅឆ្នាំ២០០៥ ៕
ចែករំលែកព័តមាននេះ