ខេត្តតាកែវ ៖ សេចក្តីរាយការណ៍ឱ្យដឹងថា បុរសម្នាក់ដោយសារមានទំនាស់ក្នុងគ្រួសារ តូចចិត្តផឹកស្រាស្រវឹង ហើយទៅដេកលើផ្លូវដែក ក៏ត្រូវរថភ្លើងកិនដាច់ជើងទាំងពីរស្លាប់នៅនឹងកន្លែង ។ ហេតុការណ៍នេះ កើតឡើងកាលពីថ្ងៃទី៩…
ខេត្តតាកែវ ៖ សេចក្តីរាយការណ៍ឱ្យដឹងថា បុរសម្នាក់ដោយសារមានទំនាស់ក្នុងគ្រួសារ តូចចិត្តផឹកស្រាស្រវឹង ហើយទៅដេកលើផ្លូវដែក ក៏ត្រូវរថភ្លើងកិនដាច់ជើងទាំងពីរស្លាប់នៅនឹងកន្លែង ។ ហេតុការណ៍នេះ កើតឡើងកាលពីថ្ងៃទី៩ កក្កដា នៅភូមិក្រាំងរលូត ឃុំសំរោង ស្រុកសំរោង ខេត្តតាកែវ ចន្លោះបង្គោលគីឡូម៉ែត្រលេខ៥៨-៥៩ ។
លោក មឿង សារុន អធិការនគរបាលស្រុកសំរោងបានឱ្យដឹងថា ជនរងគ្រោះឈ្មោះ កែវសុឃីម អាយុ៣៧ឆ្នាំ រស់នៅក្នុងភូមិ ឃុំកើតហេតុខាងលើ ចំណែករថភ្លើងបានបន្តដំណើរទៅទិសខាងជើងទៀតបាត់ទៅ។
បើតាមក្រុមគ្រួសារនិយាយថា ជនរងគ្រោះ មុនពេលកើតហេតុបានមានទំនាស់ក្នុងគ្រួសារ លុះយប់ឡើងមិនបានដឹងថាទៅណាទេ ស្រាប់តែព្រឹកឡើងមានអ្នកភូមិមកប្រាប់សាច់ញាតិថា ឃើញបុរសរូបនេះស្លាប់នៅលើផ្លូវរថភ្លើង ។ សពត្រូវបាននគរបាលពិនិត្យ រួចប្រគល់ទៅឱ្យក្រុមគ្រួសារយកទៅធ្វើបុណ្យតាមប្រពៃណី ។
មានការកត់សម្គាល់ថា ខណៈផ្លូវដែកត្រូវបានស្តារឡើងវិញស្ទើរទាំងស្រុង គ្រោះថ្នាក់រថភ្លើងបុករថយន្ត ឬកិនមនុស្សស្លាប់តែងកើតមានជារឿយៗ ។ ទោះបីជាបែបណា គ្រោះថ្នាក់នៅលើផ្លូវដែក មិនអាចបន្ទោសទៅលើរថភ្លើងបានទេ ព្រោះផ្លូវដែកគឺជាផ្លូវអាទិភាពរបស់រថភ្លើងដែលមិនអាចគេចឆ្វេងស្តាំបាន ។ អ្វីដែលត្រូវដោះស្រាយបញ្ហានេះ គឺការកំណត់ផ្លូវឆ្លងកាត់ឱ្យបានច្បាស់លាស់ ៕
ចែករំលែកព័តមាននេះ