ខេត្តសៀមរាប ៖ សេចក្តីរាយការណ៍បឋមឱ្យដឹងថា កាលពីវេលាម៉ោង៤រសៀលថ្ងៃទី១០ កក្កដា កម្លាំងសមត្ថកិច្ចនគរបាលស្វាយលើ បានធ្វើការឃាត់ខ្លួនចាងហ្វាងកាសែតម្នាក់ ពាក់ព័ន្ធករណីផ្ទុះអាវុធបាញ់គំរាមលើជនរងគ្រោះម្នាក់ឈ្មោះ មីុ ស៊ូ ភេទប្រុស អាយុ៤០ឆ្នាំ ជាមន្ត្រីយោធា មានទីលំនៅក្នុងភូមិដំណាក់ ឃុំកំពង់ប្រណាក ស្រុកព្រះវិហារ ខេត្តព្រះវិហារ ។
សេចក្តីរាយការណ៍បន្តថា ជនសង្ស័យខាងលើ ឈ្មោៈ ឆោម សីុថា ភេទប្រុស អាយុឆ្នាំ៥៥ ជាចាងហ្វាងកាសែត «ដំណឹងកម្ពុជា» មានអាស័យដ្ឋានក្នុងភូមិបាយាប សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញ ស្នាក់នៅសាខាស្នាក់ការកាសែត ភូមិទឹកលិច ឃុំបឹងមាលា ស្រុកស្វាយលើ ខេត្តសៀមរាប ។
ដើមចមដែលបណ្តាលឱ្យមានការចាប់ខ្លួនចាងហ្វាងកាសែតរូបនេះ គឺកាលពីវេលាម៉ោង១១ព្រឹកថ្ងៃទី១០ កក្កដា ជនរងគ្រោះបានបើករថយន្តដឹកអីវ៉ាន់ពីខេត្តព្រះវិហារ មកខេត្តសៀមរាប ។ លុះនៅម៉ោង៣រសៀលបានដាក់ឥវ៉ាន់ចុះនៅត្រង់ចំណុចផ្លូវ៦០ម៉ែត្រដើម្បីហូបបាយ ។ ពេលហូបបាយរួច ជនរងគ្រោះក៏បើករថយន្តត្រឡប់ទៅខេត្តព្រះវិហារវិញ ដោយមានម៉ូយជិះជាមួយគ្នា២នាក់ ។
នៅពេលជនរងគ្រោះ បើកចេញពីខេត្តសៀមរាប ឆ្ពោះទៅខេត្តព្រះវិហារ ទៅដល់ខាងជើងផ្សារស្វាយ
លើថ្មី ស្រុកស្វាយលើ ស្រាប់តែជនសង្ស័យបានបើករថយន្តម៉ាកកាម៉ារី សេរី២០០៧ (ហាយព្រីត)ពណ័ស ១គ្រឿងពាក់ផ្លាកលេខ ភ្នំពេញ2AM១២៤០ តាមពីក្រោយ ។ ពេលជនរងគ្រោៈបើកដល់ចំណុចខាងកើតស្នាក់ការបរិស្ថានក្បាលប្រើស រថយន្តជនសង្ស័យបានបើកវ៉ារថយន្តជនរងគ្រោៈឡើងទន្ទឹមគ្នា រួចជន
សង្ស័យបានបើកកញ្ចក់រថយន្តយកកាំភ្លើងខ្លីភ្ជង់ជនរងគ្រោៈ និងស្រែកជេរថា «អាហែងឈ្លើយឆាប់ឈប់ឡានភ្លាម» ។
ពេលនោះជនរងគ្រោៈមិនមានរឿងអីទេ តែភយ័ខ្លាចក៏បន្ថែមល្បឿនយ៉ាងលឿនទៅមុខ ជនសង្ស័យបានបន្ថែមល្បឿនដូចគ្នា និងដេញតាមជនរងគ្រោះ ។ បន្ទាប់មក ជនសង្ស័យក៏បានផ្ទុះអាវុធ១គ្រាប់ បាញ់គំរាមទៅលើជនរងគ្រោៈ បណ្តាលឱ្យជនរងគ្រោៈបើករថយន្តបន្តទៅមុខទៀត ដោយមិនហ៊ានឈប់ទេ ហើយជនសង្ស័យនៅតែបើកតាម ។ លុះបើកដល់ចំណុចការដ្ឋានកិនថ្ម ក្បែរអង់តែនទូរសព្ឌ័ភ្នំក្បាលប្រើស ភូមិអង្កាញ់ ឃុំស្វាយលើ ជនសង្ស័យបានវ៉ាទៅឈប់មុខរថយន្តជនរងគ្រោៈ និងបើកទ្វាររថយន្តចុៈ ដោយដៃមានកាន់កាំភ្លើងខ្លី ទើបជនរងគ្រោះស្គាល់ថា ឈ្មោៈ ឆោម សីុថា ជាអ្នកកាសែត ធ្លាប់ទារប្រាក់ពីឈ្មួញដឹកឈើតាមផ្លូវ ។
ឃើញដូច្នោះជនរងគ្រោៈកាន់តែភ័យខ្លាច បានបើករថយន្ត ចេញទៅ តែជនសង្ស័យបានស្រែកគំរាមថា
«អាហែងឈប់ភ្លាម» ។ ពេលនោះ ជនរងគ្រោៈមិនបានឈប់ទេ ទើបជនសង្ស័យបាញ់មួយគ្រាប់ទៀត ធ្វើឲ្យជនរងគ្រោៈភ័យក៏បើកយ៉ាងលឿនគេចចេញពីទីនោៈ ។ បន្ទាប់សមត្ថកិច្ចទទួលបានព័ត៌មាន ក៏បានចុះទៅដល់កន្លែងកើតហេតុ និងធ្វើការពិនិត្យរើសយកយកសំបកគ្រាប់ ប្រភេទអាវុធខ្លី ចំនួន១សំបកគ្រាប់ទៅរក្សាទុក ដើម្បីស្រាវជ្រាវលើករណីនេះ ។
ប្រភពព័ត៌បន្តថា បន្ទាប់មកជនរងគ្រោះ បានទៅដាក់ពាក្យបណ្តឹងដល់សម្តកិច្ចអធិការដ្ឋាននគរបាលស្រុកស្វាយលើ និងដាក់ចូលទៅស្ថាប័នអយ្យការសាលាដំបូងខេត្តព្រះវិហារ ទើបកម្លាំងសមត្តកិច្ចនគរបាលបានសហការណ៏ ជាមួយកម្លាំងកងរាជអាវុធហត្ថស្រុក និង សឹករងយោធា បានធ្វើការឃាត់រថយន្ត និងជនសង្សយ័នោះតែម្តង ។
ចែករំលែកព័តមាននេះ