បញ្ហាគ្រោះថ្នាក់ចរាចរណ៍ និងគ្រឿងញៀ.នគឺជាបញ្ហាយើងត្រូវដោះស្រាយ
- កំពង់ចាម
ខេត្តកំពង់ចាម ៖ នៅព្រឹកថ្ងៃទី១០ ខែកក្តដា ឆ្នាំ២០១៨នេះ លោក គួច ចំរើន អភិបាលខេត្តកំពង់ចាម ចុះផ្សព្វផ្សាយលើបញ្ហា២ដ៏ធំគឺមាន…
ខេត្តកំពង់ចាម ៖ នៅព្រឹកថ្ងៃទី១០ ខែកក្តដា ឆ្នាំ២០១៨នេះ លោក គួច ចំរើន អភិបាលខេត្តកំពង់ចាម ចុះផ្សព្វផ្សាយលើបញ្ហា២ដ៏ធំគឺមាន…
ខេត្តកំពង់ចាម ៖ នៅព្រឹកថ្ងៃទី១០ ខែកក្តដា ឆ្នាំ២០១៨នេះ លោក គួច ចំរើន អភិបាលខេត្តកំពង់ចាម ចុះផ្សព្វផ្សាយលើបញ្ហា២ដ៏ធំគឺមាន គ្រោះថ្នាក់ចរាចរណ៍ នឹងបញ្ហាគ្រឿងញៀន ដើម្បីកាត់បន្ថយនូវ ផលប៉ះពាល់ដល់អាយុជីវិតជនរួមជាតិជារៀងរាល់ថ្ងៃ នៅបឋមសិក្សា និងអនុវិទ្យាល័យទួលថ្ម និងជម្រុញលើកទឹកចិត្តដល់សិស្សានុសិស្សក្នុងការខិតខំរៀនសូត្រដើម្បីបន្តការសិក្សាទៅថ្នាក់វិទ្យាល័យបន្តទៅមុខទៀត។
លោក គួច ចំរើន អភិបាលនៃគណៈអភិបាលខេត្តកំពង់ចាម បានថ្លែងទៅសិស្សានុសិស្ស នៃបឋមសិក្សា-អនុវិទ្យាល័យទួលថ្មថា ក្នុងនាមជាសិស្សសាលា ត្រូវគិតលើបញ្ហា២ដ៏ធំ គឺមានគ្រោះថ្នាក់ចរាចរណ៍ និងបញ្ហាគ្រឿងញៀន ដើម្បីកាត់បន្ថយនូវផលប៉ះពាល់ ដល់អាយុជីវិតជនរួមជាតិជារៀងរាល់ថ្ងៃ យើងត្រូវផ្សព្វផ្សាយបន្ត ត្រូវប្រុងប្រយ័ត្នដោយគោរពច្បាប់ ចរាចរណ៍ ត្រូវពាក់មួកសុវត្ថិភាព ចេះអធ្យាស្រ័យគ្នា ចេះយោគយល់គ្នា ហាមប្រើប្រាស់គ្រឿងញៀន សេពគ្រឿងស្រវឹងជាដើមក្នុងពេលកំពុងបើកបរ ដើម្បីបញ្ចៀសនូវគ្រោះថ្នាក់ក្នុងការបើកបរ។
លោកបន្តថា យើងត្រូវរួមគ្នាថែរក្សាជីវិតដល់ពលរដ្ឋ ដោយកុំខឹងនឹងការអនុវត្តន៍ច្បាប់ចរាចរណ៍ គឺដើម្បីកាត់បន្ថយអត្រាស្លាប់ ដោយគ្រោះថ្នាក់ចរាចរណ៍នៅលើដងផ្លូវ ។ បញ្ហាជាពិសេសប្រចាំថ្ងៃនោះគឺបញ្ហាសំរាមត្រូវធ្វើការគ្រប់គ្រងឲ្យបានត្រឹមត្រូវ រៀបចំសណ្តាប់ធ្នាប់តាមដងផ្លូវ សម្រួលចរាចរណ៍កុំឲ្យកកស្ទះនៅលើដងផ្លូវផងដែរ។ លោក គួច ចំរើន មានប្រសាសន៍ទៀតថា យុវជនគឺជាទំពាំងស្នងឫស្សីសម្រាប់ប្រទេសជាតិ ដើម្បីអភិវឌ្ឍន៍ កសាងប្រទេសឲ្យមានភាពរុងរឿងរីកចម្រើនជាបន្តបន្ទាប់ទៀត ដោយត្រូវចៀសឆ្ងាយពីគ្រឿងញៀន ត្រូវយល់ដឹងនូវផលប៉ះពាល់ដោយខ្លួនឯង និងសង្គមជាតិផងដែរ។
អភិបាលខេត្តកំពង់ចាម បានស្នើដល់លោកគ្រូអ្នកគ្រូត្រូវធ្វើការណែនាំលើបញ្ហាអសកម្មដែលកើតមានឡើងលើបញ្ហាគ្រោះថ្នាក់ នឹងបញ្ហាគ្រឿងញៀនក្នុងពេលគោរពទង់ជាតិរៀងរាល់សប្តាហ៍ និងជំរុញដល់សិស្សានុសិស្សទាំងអស់បន្តខិតខំរៀនសូត្រដើម្បីខ្លួនឯង សង្គមគ្រួសារនឹងឈានដល់ការអភិវឌ្ឍន៍ប្រទេសជាតិផងដែរ៕
ចែករំលែកព័តមាននេះ