ខេត្តតាកែវ ៖ មានទំនាស់បន្តិចបន្តួចក្នុងក្រុមគ្រួសារ ហើយបុរសម្នាក់បានគិតខ្លីផឹកស្រាស្រវឹងរួចទៅដេកលើផ្លូវរថភ្លើង ក៏ត្រូវរថភ្លើងកិនស្លាប់តែម្តង ហេតុការណ៍នេះបានកើតឡើងកាលពីថ្ងៃទី៩ ខែកក្កដា ឆ្នាំ២០១៨ នៅចំណុចភូមិក្រាំងរលូត ឃុំសំរោង…
ខេត្តតាកែវ ៖ មានទំនាស់បន្តិចបន្តួចក្នុងក្រុមគ្រួសារ ហើយបុរសម្នាក់បានគិតខ្លីផឹកស្រាស្រវឹងរួចទៅដេកលើផ្លូវរថភ្លើង ក៏ត្រូវរថភ្លើងកិនស្លាប់តែម្តង ហេតុការណ៍នេះបានកើតឡើងកាលពីថ្ងៃទី៩ ខែកក្កដា ឆ្នាំ២០១៨ នៅចំណុចភូមិក្រាំងរលូត ឃុំសំរោង ស្រុកសំរោង ខេត្តតាកែវ ចន្លោះបង្គោលគីឡូម៉ែត្រលេខ ៥៨-៥៩ ។
លោកមឿង សារុន អធិការនគរបាលស្រុកសំរោងបានអោយដឹងថា ជនរងគ្រោះដែលស្លាប់ឈ្មោះ កែវ សុឃីម ភេទប្រុស អាយុ៣៧ឆ្នាំ រស់នៅភូមិឃុំកើតហេតុ ។ បន្ទាប់ពីកើតហេតុ រថភ្លើងបានបន្តដំណើរទៅទិសខាងជើងបាត់ ។
លោកនគរបាលស្រុកបានបន្តថា បើតាមការអោយដឹងពីក្រុមគ្រួសាររបស់ជនរងគ្រោះ បាននិយាយថា មុនពេលកើតហេតុ ជនរងគ្រោះមានទំនាស់ក្នុងគ្រួសារ លុះយប់ឡើងមិនដឹងទៅណានោះទេ ស្រាប់តែព្រឹកឡើងមានប្រជាពលរដ្ឋមកប្រាប់ថាមានសាច់ញាតិស្លាប់នៅលើផ្លូវរថភ្លើង ហើយពេលនោះក្រុមគ្រួសារជនរងគ្រោះក៏បានទៅមើលសព ។
បន្ទាប់ពីប៉ូលិសបានពិនិត្យរួច សពត្រូវបានប្រគល់ឱ្យក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ