ខេត្តកំពង់ធំ ៖ បើតាមសេចក្តីរាយការណ៍បានឱ្យដឹងថា យុវជនម្នាក់មានបានចង.កសម្លាប់ខ្លួន ហេតុការណ៍នេះបង្កឲ្យមានការភ្ញាក់ផ្អើលកាលពីម៉ោង៨និង៣០នាទីព្រឹក ថ្ងៃទី០៩ ខែកក្កដា ឆ្នាំ២០១៨ ស្ថិតនៅភូមិពាមអាទិត្យ ឃុំសាគ្រាម ស្រុកប្រាសាទបល្ល័ង្ក ខេត្តកំពង់ធំ។
តាមសមត្ថកិច្ចនគរបាលបានប្រាប់ថា ជនរងគ្រោះឈ្មោះ សុខ សង់ ភេទប្រុស អាយុ២៨ឆ្នាំ រស់នៅភូមិ-ឃុំកើតហេតុខាងលើ ចំណែកពូរបស់ជនរងគ្រោះឈ្មោះ ហ៊ាន សារិន ភេទប្រុស អាយុ៥០ឆ្នាំ ។
បើយោងការបំភ្លឺរបស់ពូជនរងគ្រោះនិយាយថា មុនកើតហេតុនៅម៉ោងប្រហែល៨ព្រឹក ពេលគាត់កំពុងហូបបាយឃើញជនរងគ្រោះដើរមកជិត ក៏ហៅមកហូបបាយជាមួយ តែជនរងគ្រោះបានប្រាប់ថា មិនហូបទេ ថ្ងៃនេះខ្ញុំស្លាប់ហើយ និយាយរួចក៏ដើរចេញបាត់ទៅ។
ពូជនរងគ្រោះបន្តទៀតថា សម្តីនេះធ្វើឲ្យគាត់មិនបានចាប់អារម្មណ៍ និងយកចិត្តទុកដាក់នោះទេ ពីព្រោះថា ជនរងគ្រោះជាមនុស្សមិនសតិមិនសូវគ្រប់ រាល់ពេលនិយាយស្ដីអ្នកភូមិមិនសូវយកចិត្តទុកដាក់នោះឡើយ រហូតពេលគាត់ហូបបាយរួចម៉ោងប្រហែល៨និង៣០នាទីមិនឃើញជនរងគ្រោះ គាត់ក៏ហៅបងប្អូនឲ្យជួយដើររក ស្រាប់តែឃើញជនរងគ្រោះចង.កនឹងក្រម៉ាទៅនិងដើមធ្នង់ខាងជើងផ្ទះ ចម្ងាយ ៣០ម៉ែត្រស្លាប់បាត់ទៅហើយ ។
ក្រោយពីកើតហេតុ បន្ទាប់ពីទទួលបានព័ត៌មានភ្លាមកម្លាំងប៉ុស្ដិ៍នគរបាលសាគ្រាម ក៏ចុះដល់កន្លែងកើតហេតុ និងពិនិត្យទីកន្លែងកើតហេតុ ហើយសន្និដ្ឋានថា ជនរងគ្រោះពិតជាបានធ្វើអត្តឃាតដោយចង.កខ្លួនឯងនឹងក្រម៉ាពណ៌ក្រហមឆ្នូតខៀវទៅនឹងដើមធ្នង់ពិតប្រាកដមែន ដោយមិនពាក់ព័ន្ធបទល្មើសព្រហ្មទណ្ឌណាមួយឡើយ ។ នៅពេលពិនិត្យរួចរាល់ ក៏បានប្រគល់សពជនរងគ្រោះជូនក្រុមគ្រួសារ ដើម្បីយកទៅធ្វើបុណ្យតាមប្រពៃណី ។
ចែករំលែកព័តមាននេះ