ខេត្តតាកែវ ៖ យ៉ាងហោចណាស់ មានកម្មករកម្មការិនីរោងចក្រស្បែកជើងជាង២០០នាក់បានដួលសន្លប់ជាបន្តបន្ទាប់ ហើយត្រូវបានសមត្ថកិច្ចនិងអាជ្ញាធរស្រុកចុះជួយអន្តរាគមន៍ដោយហៅរថយន្តរបស់មន្ទីរពេទ្យដែលនៅជិតនោះដឹកទៅសង្គ្រោះបានទាន់ពេលវេលា។ ករណីដួលសន្លប់នេះ បានកើតឡើងកាលពីថ្ងែទី៩ ខែកក្កដា វេលាម៉ោង៧និង៤០នាទីព្រឹក នៅរោងចក្រស្បែកជើងយីហោ«ហ្វុនទូសហ្វូ៊វា»ក្នុងភូមិខ្លាគ្រហឹម…
ខេត្តតាកែវ ៖ យ៉ាងហោចណាស់ មានកម្មករកម្មការិនីរោងចក្រស្បែកជើងជាង២០០នាក់បានដួលសន្លប់ជាបន្តបន្ទាប់ ហើយត្រូវបានសមត្ថកិច្ចនិងអាជ្ញាធរស្រុកចុះជួយអន្តរាគមន៍ដោយហៅរថយន្តរបស់មន្ទីរពេទ្យដែលនៅជិតនោះដឹកទៅសង្គ្រោះបានទាន់ពេលវេលា។
ករណីដួលសន្លប់នេះ បានកើតឡើងកាលពីថ្ងែទី៩ ខែកក្កដា វេលាម៉ោង៧និង៤០នាទីព្រឹក នៅរោងចក្រស្បែកជើងយីហោ«ហ្វុនទូសហ្វូ៊វា»ក្នុងភូមិខ្លាគ្រហឹម ឃុំតាភេម ស្រុកត្រាំកក់ ។
លោក សាយ វណ្ណៈ អភិបាលរងស្រុកត្រាំកក់ បានឱ្យដឹងថា កម្មករកម្មការិនីដែលដួលសន្លប់ជាបន្តបន្ទាប់នោះមានចំនួន២៧៣នាក់ ហើយត្រូវបានអាជ្ញាធរទាក់ទងហៅរថយន្តសង្គ្រោះរបស់មន្ទីរពេទ្យបង្អែកស្រុក យកទៅសង្គ្រោះនៅមណ្ឌលសុខភាពអង្គតាសោម អង្គរកា និងត្រាំកក់ ដោយសារការដួលសន្លប់មានលក្ខណៈមិនធ្ងន់ធ្ងរ ។
លោកអភិបាលរងស្រុកបន្តថា មូលហេតុ នាំឲ្យមានការដួលសន្លប់នេះ ដោយសារមានកម្មការិនីម្នាក់កាន់ម៉ាសុីនបាញ់ឡេវមិនបានប្រយ័ត្ន មុតដៃហូរឈាម ទើបបង្កទៅជាចលាចលផ្អើលដល់កម្មករកម្មការិនីផ្សេងទៀតពេញរោងចក្រ ហើយក្រោយមកក៏មានអ្នកដួលសន្លប់តែម្តង។ នៅតាមមណ្ឌលសុខភាពទាំង៣ ក្រុមគ្រូពេទ្យបានព្យួរសេរ៉ូមជំនួយដល់សុខភាពកម្មករកម្មការិនីទាំងអស់ ។
តាមព័ត៌មានចុងក្រោយបានឱ្យដឹងថា រហូតដល់វេលារសៀលចំនួនកម្មករដែលដួលសន្លប់បានកើនជិត៤០០នាក់ ។ លោកអភិបាលខេត្ត អ៊ូច ភា ក៏បាននាំមន្ត្រីនានាទៅសួរសុខទុក្ខដល់កម្មករ កម្មការិនី ដែល
ស្ថិតនៅក្នុងមន្ទីរពេទ្យបង្អែកខេត្តដោយមានការផ្តល់អំណោយឧបត្ថម្ភមួយចំនួនផងដែរ ។ ដោយសារតែមាន ការដួលសន្លប់នេះ រោងចក្រក៏បានសម្រេចបិទទ្វារបណ្តោះអាសន្នផងដែរនៅវេលារសៀលថ្ងៃដដែលនេះ ៕
ចែករំលែកព័តមាននេះ