ខេត្តព្រះសីហនុ ៖ តាមសេចក្តីរាយការណ៍ព័ត៌មានបឋមបានឱ្យដឹងថា អ្នកបើកបរងងុយដេកមួយភាំង បណ្តាលឱ្យរថយន្តហក់ទៅបុកក្បាលនាគពុះចែកទ្រូងផ្លូវ និងរងការខូចខាតភ្លើងសញ្ញាដែលបំពាក់លើក្បាលនាគនោះម៉ត់គ្មានសល់ នេះបើតាមការអោយដឹងពីលោកសួន គឹមសំ អធិការងទទួលបន្ទុកសណ្តាប់ធ្នាប់សាធារណៈ ។
លោកអធិការងបានបន្ថែមថា ហេតុការណ៍នេះបានកើតឡើងកាលពីវេលាម៉ោង៣យប់ឈានចូលថ្ងៃទី១០ កក្កដា ឆ្នាំ២០១៨នេះ ក្នុងហេតុការណ៍ខាងលើនេះមិនបណ្តាលឱ្យមានគ្រោះថ្នាក់ដល់មនុស្សនោះទេ ហើយអ្នកបើកបរក៏មិនបានរត់គេចខ្លួនដែរ ។
ចំណុចនេះជាលើកទី៤ហើយដែលត្រូវរថយន្តបុក បន្ទាប់ពីស្ថាបនារួចរាល់មានរយៈពេលប្រមាណជា១ឆ្នាំនេះ ស្របពេលដែលក្បាលនាគពីរកន្លែងទៀតក៍ធ្លាប់ត្រូវបានរថយន្ត និងម៉ូតូបុកជាបន្តបន្ទាប់ផងដែរ។
ជាក់ស្តែងនៅថ្ងៃដដែលនេះ ក្បាលនាគបង្ហាញទិសដៅផ្លូវជាតិលេខ៣ និងភ្លើងសញ្ញាកំពុងត្រូវបានងាកក្បាលចេញពីកណ្តាលទ្រូងផ្លូវដោយមិនទាន់ឃើញស្ថាប័នជំនាញទៅបង្វិលវិញផង ។ ព័ត៌មានលម្អិតនឹងមានផ្សាយនៅលើទំព័រកាសែតកោះសន្តិភាព ៕
ចែករំលែកព័តមាននេះ