ខេត្តកំពង់ធំ ៖ បើតាមសេចក្តីរាយការណ៍បានឱ្យដឹងថា បុរសម្នាក់មិនថាហេតុអ្វីបានចង.កសម្លាប់ខ្លួនឯង ដោយគេសង្ស័យត្រូវខ្មោចចូល ហេតុការណ៍នេះបង្កឲ្យមានការភ្ញាក់ផ្អើលកាលពីព្រឹកថ្ងៃទី០៩ ខែកក្កដា ឆ្នាំ២០១៨ ស្ថិតនៅភូមិលាបទង ឃុំទ្រា…
ខេត្តកំពង់ធំ ៖ បើតាមសេចក្តីរាយការណ៍បានឱ្យដឹងថា បុរសម្នាក់មិនថាហេតុអ្វីបានចង.កសម្លាប់ខ្លួនឯង ដោយគេសង្ស័យត្រូវខ្មោចចូល ហេតុការណ៍នេះបង្កឲ្យមានការភ្ញាក់ផ្អើលកាលពីព្រឹកថ្ងៃទី០៩ ខែកក្កដា ឆ្នាំ២០១៨ ស្ថិតនៅភូមិលាបទង ឃុំទ្រា ស្រុកស្ទោង ខេត្តកំពង់ធំ។
លោកវរសេនីយ៍ត្រី វ៉ន សុភ័ណ អធិការរងនគរបាលស្រុកស្ទោងបានឲ្យដឹងថា ជនរងគ្រោះខាងលើឈ្មោះ រាជ រ៉ាត ហៅអាអណ្តើក ភេទប្រុស អាយុ៣៦ឆ្នាំ នៅភូមិ-ឃុំកើតហេតុខាងលើ។
តាមការបំភ្លឺពីឈ្មោះ ឡាញ់ តូ និងសាច់ញាតិជនរងគ្រោះបានបញ្ជាក់ថា មុនកើតហេតុកាលពីយប់ថ្ងៃទី៧ កក្កដា ជនរងគ្រោះមានអារម្មណ៍ចេះតែរវើរវាយ រត់បណ្តើរស្រែកឱ្យគេជួយ ហើយប្រាប់អ្នកស្រុកថា មានគេដេញចាប់ ស្រាប់តែរត់ទៅចង.កសម្លាប់ខ្លួននៅលើដើមស្វាយខាងកើតភូមិតែម្តង ប៉ុន្តែត្រូវបានបងប្អូនជួយសង្គ្រោះទាន់ ។ លុះដល់ថ្ងៃទី៨ កក្កដា ម៉ោងប្រហែល១២ថ្ងៃត្រង់ជនរងគ្រោះបានដើរមកដេក និងហូបបាយនៅផ្ទះរបស់ ឡាញ់ តូ ដល់ព្រឹកថ្ងៃទី៩ កក្កដា គាត់ (ឡាញ់ តូ) ក៏ចេញពីផ្ទះទៅឱ្យគ្រូស្តោះដៃគាត់ដែលបាក់ ដោយឲ្យជនរងគ្រោះនៅផ្ទះជាមួយកូនប្រុសពៅគាត់ ។
នៅពេលគាត់ត្រលប់មកវិញ សួរកូនគាត់ថា ឈ្មោះ រ៉ាត ទៅណាហើយ ភ្លាមនោះកូនគាត់ដើរទៅរានបាយ ស្រាប់តែឃើញជនរងគ្រោះចង.កនឹងអាវក្នុងផ្ទះបាយស្លាប់បាត់ទៅហើយ ។
ក្រោយទទួលបានព័ត៌មាននេះភ្លាម កម្លាំងជំនាញសហការជាមួយអាជ្ញាធរភូមិ-ឃុំ បានធ្វើការពិនិត្យសពឃើញថា ពុំមានស្លាកស្នាមអ្វីពាក់ព័ន្ធករណីឃាតកម្មឡើយ គឺពិតជាធ្វើអត្តឃាតដោយចង.កសម្លាប់ខ្លួនឯងពិតប្រាកដមែន ក្រោយមកក៏ប្រគល់សពជូនសាច់ញាតិធ្វើបុណ្យតាមប្រពៃណី៕
ចែករំលែកព័តមាននេះ