មហាសោកនាដកម្ម រថភ្លើងធ្លាក់ផ្លូវដែកស្លា.ប់យ៉ាងតិច២៤នាក់
ប្រទេសតួកគី ៖ ដោយដកស្រង់ប្រភពក្រសួងសុខាភិបាល ទូរទស្សន៍រដ្ឋតួកគី TRT HABER បានរាយការណ៍ថា មនុស្សយ៉ាងតិច២៤នាក់ស្លាប់ ហើយ៧៣នាក់ទៀតរងរបួស កាលពីថ្ងៃទី៨…
ប្រទេសតួកគី ៖ ដោយដកស្រង់ប្រភពក្រសួងសុខាភិបាល ទូរទស្សន៍រដ្ឋតួកគី TRT HABER បានរាយការណ៍ថា មនុស្សយ៉ាងតិច២៤នាក់ស្លាប់ ហើយ៧៣នាក់ទៀតរងរបួស កាលពីថ្ងៃទី៨ ខែកក្កដា ឆ្នាំ២០១៨ ដោយសាររថភ្លើងដឹកអ្នកដំណើរមួយជួបប្រទះគ្រោះថ្នាក់ធ្លាក់ពីផ្លូវដែកក្នុងតំបន់TEKIRDAG ភាគពាយ័ព្យតួកគី។
រថភ្លើងនោះដឹកអ្នកដំណើរ៣៦០នាក់ មកពីទីក្រុងKAPIKULE ជាប់ព្រំដែនប៊ុលហ្គារីមកកាន់ក្រុងអ៊ីស្តង់ប៊ុល ហើយទូរថភ្លើង៦ធ្លាក់ចេញពីផ្លូវដែក។ ចំណែករថយន្តសង្គ្រោះបានដល់ជាង១០០គ្រឿង ត្រូវបានបញ្ជូនចេញពីកន្លែងគ្រោះថ្នាក់។ រីឯកងទ័ពតួកគី ក្នុងសេចក្ដីប្រកាសមួយនិយាយថា បានបញ្ជូនឧទ្ធម្ភាគចក្រជាច្រើនគ្រឿងទៅកាន់កន្លែងរថភ្លើងក្រឡាប់ ដើម្បីជួយសង្គ្រោះជនរងគ្រោះ។
តាមក្រសួងដឹកជញ្ជូនក្នុងសេចក្ដីប្រកាសមួយអះអាងថា គ្រោះថ្នាក់នេះកើតមានដោយសារលក្ខខណ្ឌធាតុអាកាសអាក្រក់ ដីជ្រាយក្រោមផ្លូវដែក មកពីភ្លៀងធ្លាក់ខ្លាំងនាពេលថ្មីៗនេះ ទើបបណ្ដាលឲ្យរថភ្លើងធ្លាក់ផ្លូវ។
ហើយប្រធានាធិបតីតួកគីលោករីស៊ីប តៃយីបអ័រដូហ្គាន ដែលនាថ្ងៃទី៩ កក្កដា ចាប់ផ្ដើមអាណត្តិថ្មីរយៈពេល៥ឆ្នាំទៀត បានសម្ដែងការចូលរួមមរណទុក្ខជាមួយគ្រួសារជនរងគ្រោះ៕
ចែករំលែកព័តមាននេះ