ប្រទេសថៃ៖ កុមារ៨នាក់និងគ្រូបង្វឹកបាល់ទាត់ពួកគេ ដែលនៅជាប់ក្នុងរូងភ្នំទឹកលិច នាភាគខាងជើង
ថៃ នាថ្ងៃទី៩ កក្កដា រង់ចាំការបន្តប្រតិបត្តិការជួយសង្គ្រោះ បន្ទាប់ពីការនាំក្មេងចេញបាន៤នាក់ ។
ប្រតិបត្តិការជួយសង្គ្រោះ ត្រូវផ្អាកនាយប់ថ្ងៃទី៨កក្កដា ដោយប្រមុខប្រតិបត្តិការលោក NARON-GSAK OSOTTANAKORN ដើម្បីរៀបចំឡើងវិញ បណ្ដាធុងអុកសីុហ្សែន ហើយធ្វើការរៀបចំថ្មីៗ ដែលបែបនោះ អាចប្រើពេលតិចជាង១០ម៉ោង ។ នាពេលយប់ មានភ្លៀងធ្លាក់នៅតំបន់រូងភ្នំថាំហ្លួង ក្នុងខេត្តឈៀងរ៉ៃ បង្កើនគ្រោះថ្នាក់ថែមទៀតក្នុងការសង្គ្រោះអ្នកជាប់ក្នុងរូង៩នាក់ទៀត ។
នាយករដ្ឋមន្ត្រីថៃ លោកប្រាយុទ្ធ ចាន់អូចា បានទៅកាន់រូូងភ្នំថ្ងៃទី៩កក្កដា។ អ្នកមុជទឹកបរទេស១៣នាក់និងសមាជិក៥នាក់នៃកងឯកភាពពិសេសកងម៉ារីនថៃ គឺជាក្រុមពិសេស ដែលនាំកុមារមកកាន់មាត់រូង ដោយធ្វើដំណើរឆ្លងកាត់ច្រកចង្អៀតៗ ហើយលិចទឹក ។ នោះជាការចេញដ៏លំបាក ដែលបណ្ដាលឲ្យអ្នកមុជទឹកថៃម្នាក់ស្លាប់រួចហើយកាលពីថ្ងៃទី៦កក្កដា។
លោក NARONGSAK OSOTTANAKORN អះអាងថា កុមារ៤នាក់ ដំបូងនាំចេញដោយមានសន្តិសុខ ។ ពុំមានការបញ្ជាក់ផ្លូវការណាមួយ ត្រូវបានផ្ដល់លើអត្តសញ្ញាណ ឬពីស្ថានភាពសុខភាពរបស់កុមារទាំងនេះឡើយ ។ ប្រមុខប្រតិបត្តិការសង្គ្រោះថ្លែង នាថ្ងៃទី៨ កក្កដា ថា បេសកកម្មអាចប្រើពេល៣ ឬ៤ថ្ងៃ។
សារព័ត៌មានថៃនិយាយថា កុមារដំបូងគេនាំចេញពីរូងមានឈ្មោះថា MONGKOL BOONPIEM មានអាយុ១៣ឆ្នាំ ។ មន្ទីរពេទ្យឈៀងរ៉ៃជាកន្លែងបញ្ជួនកុមារ៤នាក់ទៅនិយាយថា ស្ថានភាពសុខភាពរបស់ពួកគេពុំអាក្រក់ឡើយ៕
ចែករំលែកព័តមាននេះ