រាជធានីភ្នំពេញ ៖ តារាសម្តែងដ៏ល្បីកញ្ញា សួង សាខារ៉ានីត កាលពីពេល ថ្មីៗកន្លងមកបានបង្ហោះតាមហ្វេសប៊ុករូបថតជាច្រើនសន្លឹកចោមពុងបេះផ្កាឈូករំលេចសម្រស់ដើមទ្រូង ។
រូបភាពរបស់តារាសម្តែងកាចឆ្នាសសួង សុខារ៉ានីត គឺថតក្នុងត្រពាំងឈូកនៅជនបទ ។ នាងចោមពុងសារុងបែបជានារីជនបទរំលេចដោយសម្រស់ផូរផង់គួរគាប់នេត្រា ។ ការបង្ហាញរូបភាពគួរឲ្យទាក់ទាញចង់ទស្សនាប៉ុន្មានសន្លឹកនោះក្រោយពេលមួយរយៈវែងកន្លងមកសុខារ៉ានីត ស្ងប់ស្ងាត់ពីអាជីព ។ ទំនងកុំភាពស្ងប់ស្ងាត់បន្តយូរទៅទៀត រ៉ានីតលេងស្ទីលសិចសុីថតរូបបង្ហាញជាសាធារណៈបែបនេះ ។
តារាសម្តែងស្រីដែលមហាជនស្គាល់មុខក្នុងតំណែងជាតួសម្តែងឆ្នាសឆ្នើម និងតួកូនស្រីអ្នកមាន តាមកញ្ចក់ទូរទស្សន៍នានា កញ្ញាសួង សុខារ៉ានីត បានបង្ហោះរូបថតជាច្រើនសន្លឹកចុះលេងស្រះផ្កាឈូក បង្ហាញទឹកមុខស្រស់ស្រាយ ជាមួយធម្មជាតិ ។ រូបទាំងនោះបង្កឱ្យអ្នកគាំទ្រ ជាពិសេសបុរសពេញចិត្តយ៉ាងខ្លាំង ដោយបានចុច Like និង Share ។
អ្នកគាំទ្រម្នាក់របស់កញ្ញាសួង សាខារ៉ានីត លើកឡើងថា រូបភាពរបស់នាងដែលបង្ហាញសម្រស់ធម្មជាតិនោះពិតជាធ្វើឲ្យ ប្រុសៗទាំងឡាយសប្បាយមើល និងជញ្ជក់មាត់សរសើរ ។ អ្នកខ្លះមើលរូបរបស់នាងហើយអាចរសាយអារម្មណ៍បាត់ភាពស្មុគស្មាញ ។ រូបទាំងនេះទុកដូចជាកាដូរបស់សួង សុខារ៉ានីត ជូនអ្នកគាំទ្ររបស់នាង ។
អ្នកគាំទ្រជាច្រើនសរសើរថាកញ្ញាសួង សាខារ៉ានីត ហៅភីងភីងរូស ពូកែសម្តែងជាតួឆ្នាសឆ្នើម តួកាច និងកាន់តែចាំច្បាស់សម្រាប់រូបនោះគឺនៅពេលដើរតួជាម្តាយ ឬតួជាជំទាវ ។ សួង សុខារ៉ានីត នៅតែទទួលការគាំទ្រ និងការសរសើរចំពោះរូបសម្រស់របស់នាង ខណៈនាងនៅតែឈរជាតារាស្រីមានសម្រស់ឆើតឆាយជាមួយការបញ្ចេញភាពសិចស៊ី។
ក្រៅពីមានឱកាសលេចមុខមាត់ក្នុងពិភពសិល្បៈភាពយន្ត កញ្ញាសួង សុខារ៉ានីត ធ្លាប់ចូលរួមក្នុងសកម្មភាពមនុស្សធម៌ច្រើនគួរសមទោះជានាងរវល់បែបណាក៏ចំណាយពេលវេលាចូលរួមដែរ ។
មានការលើកឡើងថាក្រោយពេលក្រសួងវប្បធម៌ និងវិចិត្រសិល្បៈឃ្លាំមើលតារាស្រីប៉ុន្មានដួងលើការស្លៀកពាក់សិចស៊ី មិនដឹងថាសួង សុខារ៉ានីត បារម្ភចំពោះខ្លួនឯងដែលបញ្ចេញភាពសិចស៊ីនោះដែរ ឬអត់ទេ ៕
ចែករំលែកព័តមាននេះ