រាជធានីភ្នំពេញ ៖ ខ្សែភ្លើងរញ៉េរញ៉ៃនៅតាមបណ្តោយផ្លូវ២១៧ទល់មុខនឹងសាកលវិទ្យាល័យពាណិជ្ជសាស្ដ្របានទុរស្សេឆេះបង្កជាអណ្តាតភ្លើងយ៉ាងសន្ធោសន្ធៅឆ្លងរាលដាលទៅទុស្សេដល់ហាងលក់គ្រឿងទូរស័ព្ទមួយកន្លែង បង្កជាអណ្តាតភ្លើងឆេះស្លាកយីហោ និង ដាច់ខ្សែភ្លើងធ្លាក់មកដីរាយប៉ាយពេញផ្លូវ ។ ហេតុការណ៍នេះដែរបានកើតឡើងកាលពីវេលាម៉ោង៤ភ្លឺ ថ្ងៃទី៩ ខែកក្កដា…
រាជធានីភ្នំពេញ ៖ ខ្សែភ្លើងរញ៉េរញ៉ៃនៅតាមបណ្តោយផ្លូវ២១៧ទល់មុខនឹងសាកលវិទ្យាល័យពាណិជ្ជសាស្ដ្របានទុរស្សេឆេះបង្កជាអណ្តាតភ្លើងយ៉ាងសន្ធោសន្ធៅឆ្លងរាលដាលទៅទុស្សេដល់ហាងលក់គ្រឿងទូរស័ព្ទមួយកន្លែង បង្កជាអណ្តាតភ្លើងឆេះស្លាកយីហោ និង ដាច់ខ្សែភ្លើងធ្លាក់មកដីរាយប៉ាយពេញផ្លូវ ។ ហេតុការណ៍នេះដែរបានកើតឡើងកាលពីវេលាម៉ោង៤ភ្លឺ ថ្ងៃទី៩ ខែកក្កដា ឆ្នាំ២០១៨ នេះនៅតាមបណ្តោយផ្លូវ២១៧ ទល់មុខសាកលវិទ្យាល័យពាណិជ្ជសាស្ត្រ ភូមិទ្រា៤ សង្កាត់ស្ទឹងមានជ័យ១ ខណ្ឌមានជ័យ ។
ប្រភពកន្លែងកើតហេតុបានប្រាប់អោយដឹងថា មុនដំបូងគេឃើញបង្គោលភ្លើងមុខសាកលវិទ្យាល័យមានបែកផ្កាភ្លើងតិចៗមួយសន្ទុះក្រោយមកក៏កើតជាអណ្តាតភ្លើងឆេះខ្លាំងឡើងៗ ហើយភ្លាមៗនោះហាងលក់គ្រឿងទូរស័ព្ទដែលនៅឆ្ងាយពីគ្នាប្រមាណ១០០ម៉ែត្រក៏ឆ្លងចរន្តបែកផ្កាភ្លើងឆេះស្លាកយីហោ ខ្សែកាប និងខ្សែភ្លើង ដាច់ធ្លាក់មកដីបែកផ្កាភ្លើងព្រាត បង្កជាការភ្ញាក់ផ្អើលដល់ប្រជាពលរដ្ឋនៅក្បែរនោះយកបំពង់ពន្លត់អគ្គីភ័យចេញជួយបាញ់ពន្លត់ជាច្រើនបំពង់ដែរ តែនៅមិនរលត់ដោយសារតែភ្លើងឆេះខ្លាំង ។
ភ្លាមៗនោះដែររថយន្តពន្លត់អគ្គីភ័យរបស់កម្លាំងអាវុធហត្ថរាជធានីភ្នំពេញបានចេញមកជួយអន្តរាគមន៏ភ្លាមៗ តែដោយសារខ្សែភ្លើងនៅមានចរន្តភ្លើង ទើបមិនអាចធ្វើការបាញ់អោយរលត់ភ្លាមៗបាននោះទេ រងចាំខាងអគ្គីសនីផ្តាច់ចរន្តភ្លើងទើបហា៑នបាញ់ពន្លត់ ។
ក្នុងប្រតិបត្តិការនេះកម្លាំងអាវុធហត្ថប្រើប្រាស់ឡានទឹកអស់ចំនួន២គ្រឿងភ្លើងក៏រលត់ទៅវិញជាស្ថាពរមិនបានបង្កអោយនរណាម្នាក់រងរបួសឬគ្រោះថ្នាក់អ្វីទេ គឺខូចខាតតែខ្សែភ្លើង និង ស្លាកយីហោហាងលក់គ្រឿងទូរស័ព្ទតែប៉ុណ្ណោះ ៕
ចែករំលែកព័តមាននេះ