១២០គីឡូក្រាមលើកមុនស្មានតែអស់ហើយ មានឯណានៅជន៣នាក់នេះឡើងសន្ធឹកទៀត
- ភ្នំពេញ
រាជធានីភ្នំពេញ ៖ ដោយមានការបញ្ជាដឹកនាំដោយផ្ទាល់ពីលោក ម៉ក់ ជីតូ អគ្គស្នងការរងនគរបាលជាតិ និងលោក ឡឹក វណ្ណៈ នាយកមន្ទីរប្រឆាំងគ្រឿងញៀន…
រាជធានីភ្នំពេញ ៖ ដោយមានការបញ្ជាដឹកនាំដោយផ្ទាល់ពីលោក ម៉ក់ ជីតូ អគ្គស្នងការរងនគរបាលជាតិ និងលោក ឡឹក វណ្ណៈ នាយកមន្ទីរប្រឆាំងគ្រឿងញៀន…
រាជធានីភ្នំពេញ ៖ ដោយមានការបញ្ជាដឹកនាំដោយផ្ទាល់ពីលោក ម៉ក់ ជីតូ អគ្គស្នងការរងនគរបាលជាតិ និងលោក ឡឹក វណ្ណៈ នាយកមន្ទីរប្រឆាំងគ្រឿងញៀន និងមានការដឹកនាំសម្របសម្រួលពីលោក ច្រឹង ខ្មៅ ព្រះរាជអាជ្ញាខេត្តស្ទឹងត្រែង និងលោក សៀង សុខ ព្រះរាជអាជ្ញារង រាជធានីភ្នំពេញ ឲ្យកម្លាំងជំនាញបន្តការស្រាវជ្រាវរកមុខសញ្ញាពាក់ព័ន្ធ និងមេក្លោងនៅពីក្រោយខ្នងករណីដឹកជញ្ជូនគ្រឿងញៀនឆ្លងដែន១២០គីឡូក្រាម ដែលបង្ក្រាបបានកាលពីថ្ងៃទី២៦ ខែមិថុនា ឆ្នាំ២០១៨ នៅច្រកទ្វារអន្តរជាតិត្រពាំងគ្រៀល (ស្ទឹងត្រែង) ។
នៅវេលាម៉ោង០២និង០៥នាទីរសៀល ថ្ងៃទី០៦ ខែកក្កដា ឆ្នាំ២០១៨ កម្លាំងជំនាញនៃមន្ទីរប្រឆាំងគ្រឿងញៀនបានបើកកិច្ចប្រតិបត្តិការឈានទៅចាប់ខ្លួនបានមុខសញ្ញាពាក់ព័ន្ធនឹងករណីខាងលើ៣នាក់បន្ថែមទៀតនៅបីគោលដៅផ្សេងគ្នាជាបន្ទាប់ ទី១-ចំណុចជិតរង្វង់មូលកាំកូស៊ីធី, ទី២-ឆែកឆេរលំនៅដ្ឋានលេខ១០ ក្នុងសង្កាត់ភ្នំពេញថ្មី ខណ្ឌសែនសុខ និងទី៣-ឆែកឆេរលំនៅដ្ឋានលេខ១០៥ ផ្លូវលេខ៦ ក្នុងបុរីពិភពថ្មី សង្កាត់កន្ទោត ខណ្ឌពោធិ៍សែនជ័យ រាជធានីភ្នំពេញ ។
លទ្ធផលចាប់ខ្លួនជនសង្ស័យ៣នាក់ ទី១-ឈ្មោះ សៀន ខួច ភេទប្រុស, ទី២-ឈ្មោះ យិន ម៉ាប់ ភេទប្រុស និងទី៣-ឈ្មោះ សុខ សុឡា ភេទប្រុស ។ ចាប់យកវត្ថុតាងគ្រឿងញៀនសរុប26គីឡូក្រាមក្នុងនោះថ្នាំញៀនប្រភេទមេតំហ្វេតាមីន (ICE ) ទម្ងន់ 4គីឡូក្រាម និងថ្នាំញៀនប្រភេទកេតាមីន(Ketamine) ចំនួន22គីឡូក្រាម ៕
ចែករំលែកព័តមាននេះ