តាមប្រភពពី Bangkok Post បានឲ្យដឹងថា គ្រូបង្វឹកបាល់ទាត់របស់ក្មេងៗទាំង១២នាក់ ដែលបានជាប់នៅក្នុងរូងភ្នំ នាខេត្ត Chiang Rai បានសរសេរសំបុត្រសុំអភ័យទោសទៅដល់ម្តាយឪពុករបស់ក្មេងៗ។…
តាមប្រភពពី Bangkok Post បានឲ្យដឹងថា គ្រូបង្វឹកបាល់ទាត់របស់ក្មេងៗទាំង១២នាក់ ដែលបានជាប់នៅក្នុងរូងភ្នំ នាខេត្ត Chiang Rai បានសរសេរសំបុត្រសុំអភ័យទោសទៅដល់ម្តាយឪពុករបស់ក្មេងៗ។
គ្រូបង្វឹកខាងលើ ឈ្មោះ Ekapol Chanthawong អាយុ២៥ឆ្នាំ បានសរសេរសំបុត្រសុំទោសដល់ម្តាយឪពុករបស់ក្មេងៗកីឡាករក្រុម Wild Boars Acedemy ។
ក្នុងសំបុត្រនោះសរសេរថា៖ «សូមជូនទៅដល់ម្តាយឪពុករបស់ក្មេងៗទាំងអស់! នៅពេលនេះ ក្មេងៗសុខសប្បាយជាទេ ។ ក្រុមអ្នកជួយសង្គ្រោះកំពុងតែមើលថែពួកគេហើយ ។ ខ្ញុំសូមសន្យាថា នឹងមើលថែក្មេងៗឱ្យបានល្អ តាមតែខ្ញុំអាចធ្វើបាន ។ ខ្ញុំចង់និយាយអរគុណដល់ការជួយរបស់អ្នកទាំងអស់គ្នា ហើយខ្ញុំក៏ចង់សុំទោសដល់ម្តាយឪពុកក្មេងៗផងដែរ» ។
សំបុត្ររបស់គ្រូបង្វឹកដែលបានចែកចាយពេញបណ្តាញសង្គម ត្រូវបានមហាជនសរសើរទឹកចិត្តរបស់គេ ។ បើទោះបីជាសំបុត្រនេះ ជាសំបុត្រសុំទោសក៏ដោយ ក៏តាមការពិត គ្មាននរណាបន្ទោសគាត់ឡើយ ។ មានមនុស្សជាច្រើន កោតសរសើរនឹងការជួយថែរក្សារបស់គាត់ទៅលើក្មេងៗ ដោយគាត់បានចែករំលែកអាហារដែលគាត់មានទៅឲ្យក្មេងៗ ដើម្បីឲ្យពួកគេអាចរស់នៅបានដល់ទៅ៩ថ្ងៃ មុនពេលក្រុមអ្នកសង្គ្រោះ
រកឃើញ ។ ចំណែកមនុស្សមួយភាគមិនពេញចិត្តនឹងទង្វើរបស់គាត់ ដែលនាំក្មេងៗទៅរូងភ្នំទាំង ស្ថិតនៅរដូវវស្សា ។
ចែករំលែកព័តមាននេះ