AP កាលពីពេល ថ្មីៗកន្លងមកផ្សាយថា សម្រាប់ច្បាប់ដែលចាប់ផ្ដើមចូលជាធរមានកាលពីពេល ថ្មីៗកន្លងមក កំណត់ឲ្យសណ្ឋាគារនានានៅក្រុងសុីកាហ្គោត្រូវចែកឧបករណ៍ចុចកណ្ដឹងរោទ៍ (panic buttons) សម្រាប់ការពារស្ត្រីមេផ្ទះដែលសម្អាតនៅក្នុងបន្ទប់ និងបុគ្គលិកផ្សេងទៀតដែលបម្រើការតែម្នាក់ឯងនៅក្នុងបន្ទប់របស់អតិថិជនឲ្យរួចផុតពីការគំរាមកំហែងលើផ្លូវភេទ…
AP កាលពីពេល ថ្មីៗកន្លងមកផ្សាយថា សម្រាប់ច្បាប់ដែលចាប់ផ្ដើមចូលជាធរមានកាលពីពេល ថ្មីៗកន្លងមក កំណត់ឲ្យសណ្ឋាគារនានានៅក្រុងសុីកាហ្គោត្រូវចែកឧបករណ៍ចុចកណ្ដឹងរោទ៍ (panic buttons) សម្រាប់ការពារស្ត្រីមេផ្ទះដែលសម្អាតនៅក្នុងបន្ទប់ និងបុគ្គលិកផ្សេងទៀតដែលបម្រើការតែម្នាក់ឯងនៅក្នុងបន្ទប់របស់អតិថិជនឲ្យរួចផុតពីការគំរាមកំហែងលើផ្លូវភេទ និងឧក្រិដ្ឋកម្មនានា ។
លទ្ធផលនៃការអង្កេតលើបុគ្គលិកនៅក្នុងសណ្ឋាគារចំនួន៥០០នាក់ ដោយក្រុម «Unite Here Local 1» ឃើញថាមាន៥៨ភាគរយធ្លាប់ត្រូវអតិថិជននៅក្នុងសណ្ឋាគារគំរាមកំហែងបំពានផ្លូវភេទយ៉ាងតិច១លើក ។ ហេតុការណ៍ដែលប្រទះឃើញច្រើនបំផុតគឺអតិថិជនដើរមកបើកទ្វារដែលគោះហៅ ស្ថិតក្នុងសភាពអាក្រាតកាយ ។ ឧបករណ៍ចុចកណ្ដឹងនឹងបញ្ជូនអត្ថន័យចូលទូរស័ព្ទរបស់ប្រធាន អ្នកចាត់ការទូទៅ និងផ្នែកបុគ្គលិក នៅក្នុងអេក្រង់ទូរស័ព្ទដោយមានបង្ហាញឈ្មោះរបស់អ្នករងគ្រោះ និងចំណុចកើតហេតុ ។
លោកខារ៉េន ខេន (Karen Kent) ប្រធានរបស់ «Unite Here Local 1»ថ្លែងថាច្បាប់ថ្មីនេះគឺជា «ថ្ងៃថ្មីសម្រាប់នារីគ្រប់រូបដែលបម្រើការងារនៅក្នុងសណ្ឋាគារទូទាំងក្រុងសុីកាហ្គោ សហរដ្ឋអាមេរិក» ៕
ចែករំលែកព័តមាននេះ