រាជធានីភ្នំពេញ ៖ សេចក្តីរាយការណ៍ឱ្យដឹងថា មានការភ្ញាក់នៅវេលាម៉ោង០៦ និង២៥នាទីយប់ថ្ងៃទី៨ កក្កដា ស្ថិតនៅលើចិញ្ចើមផ្លូវជាប់របងផ្សារEON ក្នុងសង្កាត់ទន្លេបាសាក់ ខណ្ឌចំការមន ខណៈមានភ្លៀងមួយមេធំលាយឡំមានខ្យល់កន្ត្រាក់…
រាជធានីភ្នំពេញ ៖ សេចក្តីរាយការណ៍ឱ្យដឹងថា មានការភ្ញាក់នៅវេលាម៉ោង០៦ និង២៥នាទីយប់ថ្ងៃទី៨ កក្កដា ស្ថិតនៅលើចិញ្ចើមផ្លូវជាប់របងផ្សារEON ក្នុងសង្កាត់ទន្លេបាសាក់ ខណ្ឌចំការមន ខណៈមានភ្លៀងមួយមេធំលាយឡំមានខ្យល់កន្ត្រាក់ បណ្តាលរលំរបងសង្កត់លើរថយន្តមួយគ្រឿង និងរទេះលក់ម្ជូរ រងការខូចខាតខ្ទេចខ្ទី សំណាងល្អមិនបង្កគ្រោះថ្នាក់ដល់មនុស្ស ។
សេចក្តីរាយការណ៍បន្តថា ក្រោយហេតុការណ៍នេះ កម្លាំងសមត្ថកិច្ចមូលដ្ឋានក៏បានមកដល់ រួចទាក់ទងទៅសន្តិសុខផ្សារទំនើបEON ចុះមកកន្លែងកើតហេតុទើបសន្តិសុខប្រាប់ថា មែនមិនមែនជារបងរបស់ផ្សារ
ទេ ។ ដោយសារតែមិនចង់ខាតពេលម្ចាស់រថយន្ត ដែលខូចខាតតិចតួចដែរ បានបើករថយន្តចេញទៅបាត់ បន្សល់ទុករទេះដែលរបងដែកនោះសង្កត់លើរង់ចាំម្ចាស់យកទៅជួសជុលជាថ្មីឡើងវិញ ។
ទន្ទឹមនឹងនេះ ក៏បានបាក់ដើមត្របែកព្រៃនិងដើមជ្រៃរលំចំបង្គោលភ្លើងបាក់អស់៣ រួមនឹងម៉ូតូ៣គ្រឿង ស្ថិតនៅតាមបណ្តោយផ្លូវ228 កែងផ្លូវព្រះមុនីវង្ស នៅចំណុចមុខផ្ទះ129 ស្ថិតនៅក្នុងសង្កាត់បឹងរាំង ខណ្ឌដូនពេញ ។
សាក្សីដែលឃើញហេតុការណ៍បានឱ្យដឹងថា មុនពេលកើតហេតុ មេឃបានធ្លាក់ភ្លៀងមួយមេធំលាយឡំនឹងខ្យល់កន្ត្រាក់យ៉ាងខ្លាំង បង្កអោយបាក់ដើមឈើអស់២ដើម គឺដើមជ្រៃមួយដើមនិងដើមត្របែកព្រៃសង្កត់ម៉ូតូចំនួន៣គ្រឿងនឹងរលំចំបង្គោលភ្លើង៣អស់បង្គោល សំណាងល្អមិនមានអ្នករងរបួសនោះទេ គ្រាន់តែខូចខាតសម្ភារតែប៉ុណ្ណោះ ប្រជាពលរដ្ឋក៏បានលើកឡើងថា ដើមឈើ២ដើមនេះមានអាយុកាលជាយូរឆ្នាំមកហើយ ។
ចែករំលែកព័តមាននេះ