ចិន ៖ តាមប្រភពព័ត៌មាន Shanghaiist បានឲ្យដឹងថា តំបន់ទេសចរណ៍នៅទីក្រុងស៊ីអាន ដែលតុបតែងដូចទៅនឹងជំនាន់រាជវង្សថាង បានចេញប្រម៉ូសិនពិសេស ដែលអនុញ្ញាតឲ្យនារីធាត់ៗ ចូលលេងដោយមិនគិតថ្លៃ។…
ចិន ៖ តាមប្រភពព័ត៌មាន Shanghaiist បានឲ្យដឹងថា តំបន់ទេសចរណ៍នៅទីក្រុងស៊ីអាន ដែលតុបតែងដូចទៅនឹងជំនាន់រាជវង្សថាង បានចេញប្រម៉ូសិនពិសេស ដែលអនុញ្ញាតឲ្យនារីធាត់ៗ ចូលលេងដោយមិនគិតថ្លៃ។
នៅចន្លោះពីថ្ងៃទី១៥ ដល់ ថ្ងៃទី១៩ តំបន់ទេសចរណ៍ឋានសួគ៌រាជវង្សថាង នឹងឲ្យសំបុត្រមិនគិតថ្លៃដល់នារីចំនួន៦១៨នាក់ដំបូង ដែលមានទម្ងន់លើសពី ៦១,៨គីឡូក្រាម។
មូលហេតុដែលគេធ្វើដូចនេះ គឺដោយសារតែគេចង់ធ្វើឲ្យដូចជំនាន់មុន។ កាលពីជំនាន់ស្តេចថាង គេនិយមនារីធាត់ៗ ដោយគេយល់ឃើញថា ភាពធាត់គឺជាសញ្ញានៃការសម្បួរហូប មានទ្រព្យសម្បត្តិស្តុកស្តម្ភហូរហៀរ។
បើនៅសម័យនេះ គេនិយមអ្នកស្គមៗ ព្រោះគេគិតថា ពួកគេចេះថែសុខភាព។ តែបើគិតទៅ ធាត់ក៏បានស្គមក៏បាន ឲ្យតែមានសុខភាពល្អ និងជាមនុស្សល្អក្នុងសង្គម។ ស្អាតឬមិនស្អាត គឺគ្រាន់តែជាអ្វីដែលប្រែប្រួលទៅតាមមនុស្សឲ្យនិយមន័យទេ៕
ចែករំលែកព័តមាននេះ