ឃោសនាបោះឆ្នោតរបស់គណបក្សប្រជាជនខេត្តកំពត
- កំពត
ខេត្តកំពត ៖ នៅព្រឹកថ្ងៃទី៧ ខែកក្កដា ឆ្នាំ ២០១៨ នេះ គណបក្សប្រជាជនកម្ពុជាខេត្តកំពត បានរៀបចំពិធីដង្ហែក្បួនឃោសនាបោះឆ្នោត ដែលជួបជុំសមាជិកសមាជិកានៅរង្វង់មូលទុរេនខេត្តកំពត…
ខេត្តកំពត ៖ នៅព្រឹកថ្ងៃទី៧ ខែកក្កដា ឆ្នាំ ២០១៨ នេះ គណបក្សប្រជាជនកម្ពុជាខេត្តកំពត បានរៀបចំពិធីដង្ហែក្បួនឃោសនាបោះឆ្នោត ដែលជួបជុំសមាជិកសមាជិកានៅរង្វង់មូលទុរេនខេត្តកំពត ។ 
ក្នុងកម្មវិធីដ៏មហោឡារឹកនាថ្ងៃរៀបចំក្បួនដង្ហែឃោសនាបោះឆ្នោតរបស់គណបក្សប្រជាជនកម្ពុជាខេត្តកំពតនាព្រឹកនេះ ក្រោមវត្តមានចូលរួមជាអធិបតីលោកបណ្ឌិតប៉ែន ស៊ីម៉ន អនុប្រធានក្រុមការងារថ្នាក់ជាតិចុះពង្រឹងខេត្តកំពត លោកជាវ តាយ សមាជិកកណ្តាលគណៈកម្មាធិការបក្សប្រជាជនកម្ពុជា និងជាប្រធានគណៈកម្មាធិការបក្សប្រជាជនកម្ពុជាខេត្តកំពត និងមានការអញ្ជើញចូលរួមពីលោក លោកជំទាវ សមាជិកក្រុមការងារថ្នាក់ជាតិចុះជួយខេត្តកំពតជាច្រើនរូបទៀត។ 
ជាមួយគ្នានេះដែរ នៅក្នុងពិធីដង្ហែរក្បួនឃោសនាបោះឆ្នោតរបស់គណបក្សប្រជាជនកម្ពុជាខេត្តកំពតនាថ្ងៃនេះផងដែរក៏មានវត្តមានចូលរួមពីថ្នាក់ដឹកនាំបក្សមូលដ្ឋាន និងសមាជិកសមាជិកាបក្សមូលដ្ឋានមកចូលរួមពីរស្រុកផងដែរគឺស្រុកទឹកឈូ និងក្រុងកំពត សរុបសមាជិកចូលរួមប្រមាណជា៥ពាន់នាក់ផងដែរ៕
ចែករំលែកព័តមាននេះ