ខេត្តស្វាយរៀង ៖ នៅព្រឹកថ្ងៃទី០៧ ខែកក្កដា ឆ្នាំ២០១៨នេះ ជាថ្ងៃនៃយុទ្ធនាការឃោសនារកសម្លេងឆ្នោតថ្ងៃដំបូង ដើម្បីជ្រើសតាំងតំណាងរាស្ត្រនីតិកាលទី៦ឆ្នាំ២០១៨ សរុប១ម៉ឺននាក់ រថយន្តតូចធំ៣៥០គ្រឿង ម៉ូតូ១,០០០គ្រឿង ។
សម្រាប់ខេត្តស្វាយរៀងលោកជំទាវ កិត្តិសង្គហបណ្ឌិត ម៉ែន សំអន ប្រធានក្រុមការងារចុះជួយខេត្តស្វាយរៀង និងជាអ្នកតំណាងរាស្ត្រមណ្ឌលស្វាយរៀងបានដឹកនាំសមាជិក សមាជិកា ចូលរួមដង្ហែក្បួនឃោសនាជិត១ម៉ឺននាក់ (តាមបណ្តាស្រុកក្រុងទាំ៨នៅទូទាំងខេត្តក៏បានដង្ហែយុទ្ធនាការយ៉ាងគគ្រឹកគគ្រេងផងដែរ) ។
ថ្លែងនៅក្នុងពិធីនេះលោកជំទាវកិត្តិសង្គហបណ្ឌិត ម៉ែន សំអន បានអំពាវនាវឱ្យសមាជិកបក្ស និងបងប្អូនប្រជាពលរដ្ឋទាំងអស់នៅខេត្តស្វាយរៀងអញ្ជើញទៅបោះឆ្នោតជូនគណបក្សប្រជាជនកម្ពុជាដែលមានលេខរៀងទី២០ នៅថ្ងៃទី២៩ ខែកក្កដា ឆ្នាំ២០១៨ ដើម្បីគាំទ្រសម្តេចតេជោ ហ៊ុន សែន ធ្វើនាយករដ្ឋមន្ត្រីនៃកម្ពុជានៅអាណត្តិទី៦ និងអាណត្តិជាបន្តបន្ទាប់ទៀតក្នុងការទទួលបានការអភិវឌ្ឍរីកចម្រើនលើគ្រប់វិស័យបន្ថែមទៀត។ តាមកត់សម្គាល់មានតែគណបក្សប្រជាជនមួយប៉ុណ្ណោះហែក្បួនឃោសនា ឯបក្សដទៃទៀតគ្រាន់ចាក់មេក្រូតាមទីស្នាក់ការប៉ុណ្ណោះ ៕
ចែករំលែកព័តមាននេះ