ADផ្ទាំងផ្សព្វផ្សាយពាណិជ្ជកម្ម

ខ្មែរនៅអាមេរិកចូលរួមខួបកំណើត CPP លើកទី៦៧

5 ឆ្នាំ មុន

០៨ ខែ កក្កដា ឆ្នាំ ២០១៨ ម៉ោង ១០:៣០

សហរដ្ឋអាមរិក-រដ្ឋកាលីហ្វ័រញ៉ា ៖ ប្រជាពលរដ្ឋខ្មែររស់នៅសហរដ្ឋអាមេរិកដែលជាសមាជិកគណបក្សប្រជាជនកម្ពុជាប្រមាណជាង៤០០នាក់ចូលរួមខួបកំណើតបក្សលើកទី៦៧បើកយុទ្ធនាការឃោសនាបោះឆ្នោតកាលពីថ្ងៃទី៦ ខែកក្កដា ឆ្នាំ២០១៨ នៅភោជនីយដ្ឋាន (LALUNE)ទីក្រុងឡុងប៊ិច រដ្ឋកាលីហ្វ័រញ៉ា។ លោក ចៅ ជីអាន ប្រធានការងាររៀបចំអង្គការចាត់តាំងយុវជនគណបក្សប្រជាជនកម្ពុជាប្រចាំរដ្ឋកាលីហ្វ័រញ៉ាបានប្រាប់ថា ក្នុងឱកាសខួបកំណើតគណបក្សប្រជាជនកម្ពុជាលើកទី៦៧បើកយុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៦ ឆ្នាំ២០១៨នេះ មានប្រជាពលរដ្ឋខ្មែរដែលរស់នៅទីក្រុង
ឡុងប៊ិច រដ្ឋកាលីហ្វ័រញ៉ាសហរដ្ឋអាមេរិកប្រមាណជាង៤០០នាក់បានចូលរួម។លោកបានបញ្ជាក់ថា ទោះជាបងប្អូនប្រជាពលរដ្ឋខ្មែររស់នៅសហរដ្ឋអាមេរិកនៅឯនាយសមុទ្រយ៉ាងណាក្តីនៅតែគាំទ្រគណបក្សប្រជាជនកម្ពុជាដែលដឹកនាំដោយសម្តេចអគ្គមហាសេនាបតីតេជោ ហ៊ុន សែន ប្រធានគណបក្សប្រជាជនកម្ពុជា និងសម្តេចអគ្គមហាពញាចក្រី ហេង សំរិន ជាប្រធានកិត្តិយសគណបក្សប្រជាជនកម្ពុជា សម្តេចក្រឡាហោម ស ខេង អនុប្រធានគណបក្សប្រជាជនកម្ពុជា សម្តេចវិបុលសេនាភក្តី សាយ ឈុំ អនុប្រធានគណបក្សប្រជាជនកម្ពុជា ដែលដឹកនាំគោលនយោបាយគណបក្សប្រជាជនកម្ពុជាបង្រួបបង្រួមជាតិ មានសុខសន្តិភាព រក្សាការពារឯករាជ្យ អធិបតេយ្យ និងបូរណភាពទឹកដី អោយបានគង់វង្ស ការពារសន្តិភាព ស្ថិរភាព និងសន្តិសុខជាតិយ៉ាងរឹងមាំ ដើម្បីធានាដំណើរការអភិវឌ្ឍន៍សេដ្ឋកិច្ចសង្គម ដោយចីរភាព និងការរស់នៅដ៏សុខសាន្តរបស់ប្អូនប្រជាពលរដ្ឋនៅកម្ពុជា៕