ប្រទេសថៃ ៖ បណ្ដាអ្នកទទួលខុសត្រូវថៃបាននិយាយកាលពីថ្ងៃទី៧ ខែកក្កដា ឆ្នាំ២០១៨ នេះថា ការលិចនាវាទេសចរណ៍មួយគ្រឿងក្នុងដែនទឹកនៃកោះភូកេតថៃបណ្ដាលឲ្យមនុស្សស្លាប់៤១នាក់ រួចមនុស្ស១៥នាក់ផ្សេងទៀតនៅតែបាត់ខ្លួនរកពុំទាន់ឃើញទេ។ នាវាដែលលិចខាងលើនេះ ឈ្មោះ…
ប្រទេសថៃ ៖ បណ្ដាអ្នកទទួលខុសត្រូវថៃបាននិយាយកាលពីថ្ងៃទី៧ ខែកក្កដា ឆ្នាំ២០១៨ នេះថា ការលិចនាវាទេសចរណ៍មួយគ្រឿងក្នុងដែនទឹកនៃកោះភូកេតថៃបណ្ដាលឲ្យមនុស្សស្លាប់៤១នាក់ រួចមនុស្ស១៥នាក់ផ្សេងទៀតនៅតែបាត់ខ្លួនរកពុំទាន់ឃើញទេ។
នាវាដែលលិចខាងលើនេះ ឈ្មោះ PHOENIX ដែលដឹកអ្នកទេសចរចិន៩៣នាក់់ និងសមាជិកក្រុមនាវិក១២នាក់ ព្រមទាំងបណ្ដាមគ្គុទ្ទេសក៍ថៃទៀត បានលិចកាលពីថ្ងៃទី៥កក្កដា ក្នុងទឹកសមុទ្រដែលមានរលកធំៗ ដែលនោះជាគ្រោះថ្នាក់ដ៏ធ្ងន់ធ្ងរមួយក្នុងចំណោមគ្រោះថ្នាក់ធ្ងន់ធ្ងរទាំងឡាយ បានកើតមាននាពេលថ្មីៗនេះនៅប្រទេសថៃ។
បើតាមអាជ្ញាធរនិយាយថា កន្លែងតម្កល់សពនៃមន្ទីរពេទ្យកោះភូកេត ចាប់ផ្ដើមខ្វះកន្លែង ហើយបញ្ជាក់ថា មនុស្ស៤៩នាក់ត្រូវបានជួយសង្គ្រោះ។ ហើយនាវា PHOENIX បានលិចក្រោយពីរងការវាយប្រហារដោយរលកធំៗកម្ពស់ដល់៥ម៉ែត្រ ពេលមានព្យុះមួយក្នុងដែនទឹកនៃកោះភូកេត។
ក្រុមហ៊ុនទេសចរណ៍មួយចំនួនដាក់ជាសំនួរថា ហេតុអីបានជានាវានោះនៅតែស្ថិតក្នុងសមុទ្រ ខណៈពេលគេបានប្រកាសពីស្ថានភាពឧតុនិយមលំបាករួចហើយនោះ។ រីឯរដ្ឋាភិបាលចិនក៏បានអំពាវនាវឲ្យមានការបំភ្លឺ ដោយឆាប់រហ័សអំពីមូលហេតុនៃគ្រោះថ្នាក់នេះ៕
គួររំលឹកថា ៖ ភូកេតថៃ… ជួបគ្រោះទៀតហើយ
ចែករំលែកព័តមាននេះ