ខេត្តក្រចេះ ៖ សេចក្តីរាយការណ៍បឋមឱ្យដឹងថា មានករណីគ្រោះថ្នាក់ចរាចរណ៍មួយ រវាងរថយន្តបុកជាមួយរថយន្ត កើតឡើងកាលពីវេលាម៉ោង១២ និង៤០នាទីថ្ងៃត្រង់ថ្ងៃទី០៧ កក្កដា នេះ ស្ថិតលើផ្លូវលេខជាតិ07(ក្រចេះ-ស្ទឹងត្រែង)…
ខេត្តក្រចេះ ៖ សេចក្តីរាយការណ៍បឋមឱ្យដឹងថា មានករណីគ្រោះថ្នាក់ចរាចរណ៍មួយ រវាងរថយន្តបុកជាមួយរថយន្ត កើតឡើងកាលពីវេលាម៉ោង១២ និង៤០នាទីថ្ងៃត្រង់ថ្ងៃទី០៧ កក្កដា នេះ ស្ថិតលើផ្លូវលេខជាតិ07(ក្រចេះ-ស្ទឹងត្រែង) ត្រង់ចន្លោះគីឡូម៉ែត349/350 ភូមិកសាង ឃុំចង្ក្រង់ ស្រុកចិត្របុរី ខេត្តក្រចេះ បណ្តាលឱ្យមនុស្ស២នាក់ ត្រូវបានរងរបួសធ្ងន់-ស្រាល ។
ប្រភពបន្តថា នៅមុនពេលកើតហេតុ ភាគីខាងរថយន្តបង្ក (ឡានអ្នកកាសែត) ត្រូវបានសង្ស័យថា គឺបើកប្រដេញយ៉ាងលឿនជាមួយរថយន្តដឹកឈើមួយគ្រឿង ។ លុះមកដល់ចំណុចផ្លូវកោងខ្លាំង មិនបន្ថយល្បឿន (ចំណុចកើតហេតុ) ក៏ជ្រុលបុកជាមួយរថយន្តរបស់លោកអនុប្រធានមន្ទីរកសិកម្មខេត្ត ខណៈកំពុងបើកមកពីមុខយ៉ាងពេញទំហឹងតែម្តង ។
ក្រោយកើតហេតុ សមត្ថកិច្ចបានបញ្ជូនរថយន្តទាំង២គ្រឿង ដែលរងការខូចខាតដូចគ្នាមករក្សាទុកនៅអធិការដ្ឋាននគរបាលស្រុកចិត្របុរី ដើម្បីដោះស្រាយតាមផ្លូវច្បាប់ ហើយអ្នករងរបួស ក៏ត្រូវបានបញ្ជូនទៅសង្គ្រោះភ្លាមៗដែរ ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
ចែករំលែកព័តមាននេះ