ជាទូទៅការរួមភេទគឺជារឿងហាមប្រាមក្នុងត្រីមាសដំបូង និងម្តងទៀតនៅរយៈពេល៤សប្តាហ៍ចុងក្រោយនៃការមានផ្ទៃពោះ ។ យកល្អ វាគួរតែជារឿងដែលត្រូវនិយាយជាមួយគ្រូពេទ្យជាសិនមុននឹងចាប់ផ្តើមរឿងនេះ ហើយក៏ត្រូវតែពិនិត្យសុខភាពឲ្យបានច្បាស់លាស់ដែរមុននឹងធ្វើសកម្មភាពផ្លូវភេទគ្រប់យ៉ាងក្នុងពេលមានផ្ទៃពោះ ។ បើសិនជាសុខភាពមិនល្អ ស្ត្រីក៏មិនអាចរីករាយនឹងការរួមភេទក្នុងពេលមានផ្ទៃពោះដែរ ។…
ជាទូទៅការរួមភេទគឺជារឿងហាមប្រាមក្នុងត្រីមាសដំបូង និងម្តងទៀតនៅរយៈពេល៤សប្តាហ៍ចុងក្រោយនៃការមានផ្ទៃពោះ ។ យកល្អ វាគួរតែជារឿងដែលត្រូវនិយាយជាមួយគ្រូពេទ្យជាសិនមុននឹងចាប់ផ្តើមរឿងនេះ ហើយក៏ត្រូវតែពិនិត្យសុខភាពឲ្យបានច្បាស់លាស់ដែរមុននឹងធ្វើសកម្មភាពផ្លូវភេទគ្រប់យ៉ាងក្នុងពេលមានផ្ទៃពោះ ។ បើសិនជាសុខភាពមិនល្អ ស្ត្រីក៏មិនអាចរីករាយនឹងការរួមភេទក្នុងពេលមានផ្ទៃពោះដែរ ។
ឧទាហរណ៍ បើសិនជាស្ត្រីមានប្រវត្តិរលូតកូនម្តងហើយម្តងទៀត ឬសម្រាលកូនមិនគ្រប់ខែពីមុន នាងទំនងជាត្រូវបានណែនាំមិនឲ្យរួមភេទពេញ ៩ខែតែម្តងហើយ ។ យ៉ាងណាមិញ បើសិនជាអ្នកកំពុងតែមានផ្ទៃពោះប្រកបដោយសុខភាពល្អ និងមិនមានផលវិបាកអ្វីសោះនោះ វាក៏គ្មានហេតុផលអ្វីដែលអ្នកគួរតមការរួមភេទដែរ ។
ហេតុផលដែលអ្នកគួរតមការរួមភេទក្នុងត្រីមាសដំបូងគឺដោយសារតែវាជាដំណាក់កាលមួយដែលសុកកំពុងតែកាច់សម្បុក ហើយទារកក៏កំពុងតែបង្កើតជាសរីរាង្គសំខាន់ៗផងដែរ ។ ការដែលមានសកម្មភាពផ្លូវភេទច្រើនក្នុងពេលនេះ អាចធ្វើឲ្យប្រឈមនឹងការរលូតកូនបាន ។
ជាមួយគ្នានេះដែរ បើសិនជាអ្នករួមភេទដោយមិនមានការការពារមុនពេលសម្រាលកូនទេ ជាពីសេសបែកទឹកភ្លោះទៀត វាអាចប្រឈមខ្ពស់នឹងការឆ្លងរោគទៅទារកបាន ហើយនេះក៏ជាករណីដែលធ្ងន់ធ្ងរផងដែរ ៕ ស្រង់ពីគេហទំព័រសុខភាព
ចែករំលែកព័តមាននេះ