សំណុំរឿងពពោះជំនួស ឃុំខ្លួនស្ត្រីពោះធំ33នាក់
- ភ្នំពេញ
រាជធានីភ្នំពេញ ៖ ចៅក្រមសើុបសួរសាលាដំបូងរាជធានី លោក កោ វណ្ឌី កាលពីល្ងាចថ្ងៃទី៥ កក្កដា បានចេញដីកាសម្រេចឃុំខ្លួនស្ត្រី៣៣នាក់ ដាក់ពន្ធនាគារជាបណ្តោះអាសន្ន…
រាជធានីភ្នំពេញ ៖ ចៅក្រមសើុបសួរសាលាដំបូងរាជធានី លោក កោ វណ្ឌី កាលពីល្ងាចថ្ងៃទី៥ កក្កដា បានចេញដីកាសម្រេចឃុំខ្លួនស្ត្រី៣៣នាក់ ដាក់ពន្ធនាគារជាបណ្តោះអាសន្ន…
រាជធានីភ្នំពេញ ៖ ចៅក្រមសើុបសួរសាលាដំបូងរាជធានី លោក កោ វណ្ឌី កាលពីល្ងាចថ្ងៃទី៥ កក្កដា បានចេញដីកាសម្រេចឃុំខ្លួនស្ត្រី៣៣នាក់ ដាក់ពន្ធនាគារជាបណ្តោះអាសន្ន ក្រោមការចោទប្រកាន់ពីបទជួញ ដូរមនុស្សឆ្លងដែនដោយខុសច្បាប់ និងបទអន្តរការរវាងអ្នកសុំកូន និងស្ត្រីពពោះ តាមមាត្រា១៦ ស្តីពីការបង្ក្រាបការជួញដូរមនុស្ស និងការពារអនីតិជន តាមមាត្រា៣៣២ នៃក្រមព្រហ្មទណ្ឌ ។
ស្ត្រីជាប់ចោទទាំង៣៣នាក់ ១-ឈ្មោះ ញូច ស្រីវឿន, ២-ឈ្មោះ លឹម សុខនាង, ៣-ឈ្មោះ លីវ ចាន់ណាក់, ៤-ឈ្មោះ ឆេង ផល្លា, ៥-ឈ្មោះ រ៉ង សោប, ៦-ឈ្មោះ ក្រូច ស្រីពេជ្រ, ៧-ឈ្មោះ ហេង សុខម៉ុន, ៨-ឈ្មោះ ឡេង ខេម៉ា, ៩-ឈ្មោះ យន ផាន់ណា, ១០-ឈ្មោះ តាំង ជីមុី, ១១-ឈ្មោះ អៀម ស្រីមីុ, ១២-ឈ្មោះ ខៀវ ស្រីនោ, ១៣-ឈ្មោះ វិន វីន, ១៤-ឈ្មោះ ផៃ សុផា, ១៥-ឈ្មោះ សុខ ណាវី, ១៦-ឈ្មោះ ហួន សុខរស់, ១៧-ឈ្មោះ ផន ផល្លា, ១៨-ឈ្មោះ អុឹង ស្រីពេជ្រ, ១៩-ឈ្មោះ វុន ហូ, ២០-ឈ្មោះ រី លី, ២១-ឈ្មោះ សាន់ សុជាតិ, ២២-ឈ្មោះ គិត សុីនួន, ២៣-ឈ្មោះ ឌូ សុផល, ២៤-ឈ្មោះ កែវ លីតា, ២៥-ឈ្មោះ យ៉ុម រ៉ុម, ២៦-ឈ្មោះ សិទ្ធ ស្រីមុំ, ២៧-ឈ្មោះ ពៅ វិន, ២៨-ឈ្មោះ សោម ស្រីមុំ, ២៩-ឈ្មោះ ហ៊ុន ដាណែត, ៣០-ឈ្មោះ ហេន ស្រីរ័ត្ន, ៣១-ឈ្មោះ បៀន ស្រស់, ៣២-ឈ្មោះ មាន សុភ័ក្រ និង៣៣-ឈ្មោះ សេង ច័ន្ទណាវី។ ក្រុមស្ត្រីទាំងនេះជាប់ពាក់ពន្ធលើសំណុំរឿងពពោះជំនួស ដើម្បីយកកូនលក់នៅបរទេស ។
ជនសង្ស័យទាំង៣៣នាក់ត្រូវបានសមត្ថកិច្ចការិយាល័យប្រឆាំងការជួញដូរមនុស្ស និងការពារអនីតិជនរាជធានីភ្នំពេញ ចុះបង្ក្រាបនិងឃាត់ខ្លួនកាលពីថ្ងៃទី២១ មិថុនា នៅចំណុចផ្ទះលេខ២A និង ៩A ភូមិ៤ សង្កាត់ច្រាំងចំរេះ១ ខណ្ឌឫស្សីកែវ រាជធានីភ្នំពេញ ។ ពេលឃាត់ខ្លួនដំបូងសមត្ថកិច្ចបានកំណត់មុខសញ្ញាជនសង្ស័យតែ៥នាក់ ដែលថាជាអ្នករៀបចំ និងចាត់ចែងបង្កើតឲ្យមានបទល្មើសនេះ ហើយជនសង្ស័យទាំង៥នាក់នោះ ត្រូវបានតុលាការសម្រេចឃុំខ្លួនដាក់ពន្ធនាគាររួចហើយដែរ ។
ចំណែកស្ត្រីពពោះជំនួស៣៣នាក់នេះ ដំបូងសមត្ថកិច្ចបានចាត់ទុកពួកគេជាជនរងគ្រោះ និងបានប្រគល់ទៅឲ្យខាងសង្គមកិច្ចគ្រប់គ្រង ។ ក្រោយពីឃុំខ្លួនជនសង្ស័យ៥នាក់នោះ ស្រាប់តែនៅថ្ងៃទី៤ ទី៥ កក្កដា ចៅក្រមសើុបសួរសាលាដំបូងរាជធានីភ្នំពេញ បានតម្រូវឲ្យសមត្ថកិច្ច សហការជាមួយអង្គការមេត្រីអន្តរជាតិ នាំខ្លួនពួកគេមកសាកសួរ និងក្រោយពីសាកសួរហើយ ទើបសម្រេចចោទប្រកាន់ទាំង៣៣នាក់នោះដាក់ពន្ធនាគារ ។
ប៉ុន្តែដោយសារជនសង្ស័យសុទ្ធតែមានផ្ទៃពោះ ខាងពន្ធនាគារបានតម្រូវយកពួកគេទៅឃុំនៅមន្ទីរពេទ្យ១៦៨ រាជធានីភ្នំពេញ ដើម្បីងាយស្រួលក្នុងការតាមដានសុខភាពពួកគេ ៕
ចែករំលែកព័តមាននេះ