ខេត្តស្ទឹងត្រែង ៖ សេចក្តីរាយការណ៍បឋមឱ្យដឹងថា ជនសង្ស័យម្នាក់ត្រូវបានចាប់ខ្លួន រួមជាមួយគ្រឿងញៀនប្រមាណជា១គីឡូក្រាម បញ្ជូនមកស្នងការដ្ឋាននគរបាលខេត្តស្ទឹងត្រែង ដើម្បីកសាងសុំណុំរឿងបញ្ជូនទៅអយ្យការអមដាលាដំបូងខេត្តចាត់ការបន្តតាមនីតិវិធី ។
សេចក្តីរាយការណ៍បន្តថា ជនសង្ស័យឈ្មោះភីនរិទ្ធ អាយុ៤១ឆ្នាំ បច្ចុប្បន្នរស់នៅភូមិថ្មី ឃុំខ្សាច់អណ្ដែតស្រុកឆ្លូង ខេត្តក្រចេះ ។ ដោយឡែក វត្ថុតាងគ្រឿងញៀន ក្រាមពណ៌សថ្លាចំនួន១កញ្ចប់ធំ (ប្រហែល១គីឡូក្រាម) ។
មន្ត្រីនគរបាលប្រឆាំងគ្រឿងញៀនស្នងការដ្ឋាននគរបាលខេត្តស្ទឹងត្រែងបានបញ្ជាក់ថា ករណីនេះជំនាញការិយាល័យប្រឆាំងខេត្តស្ទឹងត្រែង សហការជាមួយការិយាល័យប្រឆាំងខេត្តក្រចេះ បានបង្ក្រាបចាប់
ខ្លួនជនសង្ស័យម្នាក់ រួមជាមួយថ្នាំញៀនមួយដុំធំ កាលពីវេលាម៉ោង០៥ និង៤៥នាទីថ្ងៃទី០៦ កក្កដា លើកំណាត់ផ្លូវជាតិលេខ៧៣ ត្រង់ចំណុចភូមិព្រែកតាអាំ ឃុំបុសលាវ ស្រុកចិត្ត្របូរី ខេត្តក្រចេះ ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
ចែករំលែកព័តមាននេះ