ទីបំផុតពាក្យចចាមអារ៉ាមជុំវិញតារាល្បី Ronaldo ផ្ទេរទៅទ្រនំថ្មី Juventus បានក្លាយជាការពិតហើយ ខណៈតម្លៃខ្លួន និងការពិនិត្យសុខភាពត្រូវបានលាតត្រដាង ធ្វើឱ្យរឿងនេះកាន់តែក្លាយជាប្រធានបទក្តៅសម្រាប់អ្នកសារព័ត៌មាន ។ ប្រភពព័ត៌មានច្បាស់ការណ៍ពីគេហទំព័រកីឡាពីរ…
ទីបំផុតពាក្យចចាមអារ៉ាមជុំវិញតារាល្បី Ronaldo ផ្ទេរទៅទ្រនំថ្មី Juventus បានក្លាយជាការពិតហើយ ខណៈតម្លៃខ្លួន និងការពិនិត្យសុខភាពត្រូវបានលាតត្រដាង ធ្វើឱ្យរឿងនេះកាន់តែក្លាយជាប្រធានបទក្តៅសម្រាប់អ្នកសារព័ត៌មាន ។
ប្រភពព័ត៌មានច្បាស់ការណ៍ពីគេហទំព័រកីឡាពីរ Goal និង Marca ហ៊ានអះអាងថា Ronaldo បានពិនិត្យសុខភាព និងចុះកុងត្រាលើកិច្ចសន្យាដែលមានសុពលភាពជាង៤ឆ្នាំក្នុងតម្លៃ៣០លានអឺរ៉ូ ស្មើនឹង៣៥លានដុល្លារក្នុង១រដូវកាលនៅក្លិប Juventus ។ ក្លិបជើងឯកអុីតាលី៧ជំនាន់រហស្សនាម«សេះបង្កង់»នៅតែចរចាជាមួយក្លិបស្តេចស Real Madrid ទិញផ្តាច់កុងត្រាក្នុងតម្លៃប៉ាន់ស្មានប្រមាណពី១០០ទៅ១៤០,៥ លានដុល្លារ ។
អ្នកគាំទ្រជុំវិញពិភពលោកកំពុងងឿងឆ្ងល់ថា ហេតុអ្វីតារារកគ្រាប់បាល់ច្រើនជាងគេឱ្យ Real Madrid និងក្រុមជម្រើសជាតិព័រទុយហ្គាល់វ័យ ៣៣ឆ្នាំរូបនេះដាច់ចិត្តចោលទ្រនំចាស់នៅអេស្ប៉ាញហើយផ្លាស់ទៅទ្រនំថ្មីលើទឹកដីអុីតាលីទៅវិញ? ក្រុមការងារកីឡានៃសារព័ត៌មានកោះសន្តិភាពនឹងបញ្ចប់ចម្ងល់ទាំងនេះតាមរយៈព័ត៌មានពិស្តារដូចខាងក្រោម៖
១-Juventus ជាក្លិបដែល Ronaldo ស្រឡាញ់តាំងពីតូច
សាមីខ្លួន Ronaldo បានរៀបរាប់នៅមុខអ្នកសារព័ត៌មានដូច្នេះថា «ខ្ញុំស្រឡាញ់ក្លិប Juventus តាំងពីខ្ញុំនៅជាកុមារតូច ។ ដូច្នេះរឿងផ្ទេរពីក្លិប Real Madrid ទៅក្លិបអុីតាលីលែងជារឿងចចាមអារ៉ាមទៀតហើយ» ។
២-ទ្រនំ Real Madrid ខ្វះភាពកក់ក្តៅ
ប្រធានក្រុមជម្រើសជាតិព័រទុយហ្គាល់រូបនេះមានអារម្មណ៍ថាខ្វះភាពកក់ក្តៅនៅទ្រនំ Real Madrid ពោល Ronaldo ត្រូវក្រុមអាជ្ញាធរពន្ធដារអេស្ប៉ាញតាមយាយីម្តងហើយម្តងទៀតពាក់ព័ន្ធសំណុំរឿងគេចវេះមិនបង់ពន្ធតម្លៃ ២២លានដុល្លាររបស់គេដែលគ្មានការលូកដៃដោះស្រាយពីសំណាក់ក្លិបឡើយ ។
៣-មុខមាត់សំខាន់ជាងទឹកលុយ
១០០លានអឺរ៉ូសម្រាប់ Ronaldo មិនជាច្រើនណាស់ណាទេ តែអ្វីដែលសំខាន់នោះគឺការសាងកិត្តិយសក្នុងសករាជបាល់ទាត់ ខណៈតារាល្បីរូបនេះមានលុយចាយលែងអស់ទៅហើយ ។ រូបគេសម្លឹងឃើញក្លិប Juventus អាចសាងស្នាដៃយកពានរង្វាន់អឺរ៉ុបបាន ។
សូមបញ្ជាក់ថា Ronaldo បានរួមរស់ជាមួយ Real Madird អស់រយៈពេល៩ឆ្នាំមកហើយ ក្នុងនោះរូបគេបានសាងកេរ្តិ៍ឈ្មោះជាប់ក្នុងកំណត់ត្រាប្រវត្តិសាស្ត្រជាច្រើនដូចជា ឈ្នះពានបាល់មាស Ballon dÓr ៥ជំនាន់ ជាកីឡាករដែលរកគ្រាប់បាល់បានច្រើនជាងគេប្រចាំក្លិបសរុបមានចំនួន៤៥១គ្រាប់រាប់ទាំងនៅក្នុងព្រឹត្តិការណ៍បាល់ទាត់អឺរ៉ុប UEFA Champions League (UCL) ផងដែរ ៕
ចែករំលែកព័តមាននេះ