ខេត្តកណ្ដាល ៖ សេចក្តីរាយការណ៍បឋមឱ្យដឹងថា កាលពីល្ងាចថ្ងៃទី០៦ កក្កដា ស្ថិតត្រង់ចំណុចភូមិអង្គរជ័យ ឃុំបន្ទាយដែក ស្រុកកៀនស្វាយ ខេត្តកណ្តាល មានករណីបុរសម្នាក់ចង.កធ្វើអត្តឃាតសម្លាប់ខ្លួនដោយមិនទាន់ដឹងមូលហេតុ ។
សេចក្តីរាយការណ៍បន្តថា ជនរងគ្រោះខាងលើ ឈ្មោះលុក គីមមឿន អាយុ៣០ឆ្នាំ ជាបុគ្គលិកកំពង់ផែស្វយ័តភ្នំពេញ មានស្រុកកំណើតនៅភូមិបិល ឃុំស្គុះ ស្រុកសំរោងទង ខេត្តកំពង់ស្ពឺ ។
តាមស្ត្រីជាប្រពន្ធឈ្មោះអ៊ុក ទិត្យធារី បានរៀបរាប់ថា មុនកើតហេតុ នៅវេលាម៉ោង៦ និង១៥ នាទីព្រឹក ប្តី (ជនរងគ្រោះ)បានជូនគាត់ទៅធ្វើការរោងចក្រនៅឃុំដីឥដ្ឋ ស្រុកគៀនស្វាយ ខេត្តកណ្តាល ដូចសព្វដង ។លុះដល់វេលាម៉ោង៦ និង១៥នាទីល្ងាច គាត់ជាប្រពន្ធបានទៅដល់ផ្ទះ ក៏បានឃើញផ្ទះបិទទ្វារ ពេលនោះគាត់ក៏ឡើងទៅលើផ្ទះបើកទ្វារ ។ ស្រាប់តែឃើញប្តីចង.កជាប់ពិដានកណ្តាលផ្ទះស្លាប់បាត់ទៅហើយ ។
គាត់បន្តថា ការចងក.សម្លាប់ខ្លួនរបស់ប្តីនេះ គាត់មិនដឹងពីមូលហេតុអី្វទាល់តែសសោះ ព្រោះប្តីមិនដែលនិយាយរឿងប្រាប់នោះទេ ។ ក្រោយពេលដឹងថា ប្តីចងកសម្លាប់ខ្លួនហើយនោះ គាត់បានរត់ទៅផ្តល់ព័ត៌មានទៅសមត្ថកិច្ចឃុំបន្ទាយដែកតែម្តង ។
ចែករំលែកព័តមាននេះ