ខេត្តក្រចេះ ៖ អភិបាលខេត្តក្រចេះ និងប្រធានកិត្តយសសមាគមអតីតយទ្ធជនកម្ពុជា ខេត្តក្រចេះ លោក វ៉ា ថន បានជួបសំណេះសំណាលជាមួយបងប្អួនគ្រួសារអតីយុទ្ធជន និង គ្រួសារពលីមរណៈក្នុងពិធី ផ្តល់ដីសម្បទានសង្គមកិច្ច និងលំនៅឋានផ្ទះឈើចំនួន៤០ខ្នងផ្ទះ ដែលជាអំណោយរបស់សម្តេចតេជោ ហ៊ុន សែន នាយករដ្ឋមន្ត្រី ជូនដល់ពួកគាត់សម្រាប់រស់នៅ។
ប្រធានគណៈកម្មាធិការសមាគម អតីតយុទ្ធជនកម្ពុជាខេត្តក្រចេះ លោកឧត្តមសេនីយ៍ទោ លន់ សុផាត បានមានប្រសាសន៍ឲ្យដឹង ពិធីសំណេះសំណាលកាលពីល្ងាចថ្ងៃទី៥ កក្កដា ថា គ្រួសារនិវត្តជន និងគ្រួសារអតីយុទ្ធជនពលី មរណៈចំនួន៤០គ្រួសារសុទ្ធសឹងតែរស់នៅខេត្តក្រចេះគឺត្រូវទទួលបានការចែកជូនដីសម្បទាន សង្គមកិច្ចនៅចំនុចភូមិសំបួរសែនជ័យ ឃុំស្វាយជ្រះ ស្រុកស្នួល ហើយការបែងចែកនេះ គឺនឹងត្រូវផ្តល់ជាអាទិភាពមុនដល់គ្រួសារអតីតយុទ្ធជនដែលទីទ័លក្រ។ ក្នុងនោះមួយគ្រួសារ ទទួលបានដីទំហំ៣០គុណនឹង៤០ម៉ែត្រ និងសាងសង់លំនៅឋានផ្ទះឈើចំនួន៤០ខ្នង ផ្ទះដែលជាអំណោយដ៏ថ្លៃថ្លារបស់សម្តេចតេជោ ហ៊ុន សែន នាយករដ្ឋមន្ត្រីសម្រាប់ជូនពួកគាត់រស់នៅ។
បើតាមលោកឧត្តមសេនីយ៍ទោ លន់ សុផាត បានឲ្យដឹងទៀតថា សមាគមកំពុងតែរៀបចំ គម្រោងបែងចែកដីកសិកម្មសម្រាប់ផ្តល់ជូនពួកគាត់ដើម្បីទុកបង្កបង្កើនផលថែមទៀត។ ប្រធានកិត្តិយស សមាគមអតីតយុទ្ធជនកម្ពុជា និងជាអភិបាលខេត្តក្រចេះ លោក វ៉ា ថន បានមានប្រសាសន៍សម្តែងនូវការ លើកទឹកចិត្តពីគុណបំណាច់ស្នេហាជាតិរបស់បងប្អូនអតីតយុទ្ធជនកន្លងមកថា មានស្នាដៃយ៉ាងធំធេង មិនអាចកាត់ថ្លៃបាន។ លោកថា រាជរដ្ឋាភិបាលកម្ពុជា មានសម្តេចតេជោ ហ៊ុន សែន ជានាយករដ្ឋមន្ត្រី និងជាប្រធានសមាគម ក៏ដូចជាលោកនាយឧត្តមសេនីយ៍បណ្ឌិត គន់ គីម ជាអគ្គលេខាធិការដ្ឋាន សមាគមអតីតយុទ្ធជនកម្ពុជា បានជំរុញឲ្យអាជ្ញាធរគ្រប់ជាន់ថ្នាក់ បង្កើនការយកចិត្តទុកដាក់ លើសុខទុក្ខការរស់នៅរបស់បងប្អូនអតីតយុទ្ធជន ដោយមិនទុកឲ្យបងប្អូនរស់នៅដោយឯកោ មិនមានការដឹងឮពីអាជ្ញាធរនោះទេ។
អតីតជានគរបាលជាតិកម្ពុជាដែលបម្រើការងារនៅខេត្តក្រចេះ និងបានចូលនិវត្តមាន រយៈពេលជិត១០ឆ្នាំទៅហើយនោះ លោក ធីវ ធេន អាយុ៦៣ឆ្នាំ ជានិវត្តន៍ជនទីទ័លក្រ ហើយក៏ទទួលបានដីសម្បទានសង្គមកិច្ចសម្រាប់រស់នៅផងដែរនោះ បានសម្តែងការអរគុណដល់ប្រមុខរាជរដ្ឋាភិបាលកម្ពុជា សម្តេចតេជោ សែន ដែលជានិច្ចកាលសម្តេចលោកតែងតែគិតគូរពីសុខទុក្ខការស់នៅរបស់បងប្អូនគ្រួសារអតីយុទ្ធជន។ លើកឡើងឲ្យដឹងស្រដៀងគ្នា អតីតយុទ្ធជនកម្ពុជាដែលបានចូលនិវត្តន៍ពីនគរបាជាតិ មានរយៈពេលជិត១០ឆ្នាំដែរនោះ លោក យឹម យឿន អាយុ៦២ឆ្នាំ ជាអតីតយុទ្ធជនទីទ័លក្រ និងសព្វថ្ងៃរស់នៅជាមួយ និងកូនក្មួយនៅខាងក្រោយស្រុកឆ្លូង បានរៀបរាប់ទឹកទឹកភ្នែក ដោយ បានសម្តែងក្តីរំភើប ក្រោយពីរូបលោកត្រូវបានមានឈ្មោះទទួលបានដីសម្បទាន និងផ្ទះឈើ ដែលសម្តេចតេជោ ហ៊ុន សែន បានសាងសង់ប្រគល់ជូនលោកសម្រាប់រស់នៅ បានសមរម្យនឹងគេតាមរយៈក្រុមការងារសមាគមអតីតយុទ្ធកម្ពុជាខេត្តក្រចេះ៕
ចែករំលែកព័តមាននេះ