ប្រទេសជប៉ុន ៖ មនុស្ស២នាក់បានស្លាប់នាថ្ងៃទី៦ ខែកក្កដា ឆ្នាំ២០១៨ ក្រោយអ្នកស្លាប់ដំបូងម្នាក់ កាលពីថ្ងៃទី៥ កក្កដា ហើយមនុស្សជាច្រើននាក់ទៀតបានបាត់ខ្លួន ដែលបណ្តាលមកពីភ្លៀងធ្លាក់យ៉ាងគំហុកបំផុតនៅភាគខាងលិចប្រទេសជប៉ុន ហើយនៅទីនោះមានសេចក្ដីរាយការណ៍ពីការខូចខាតយ៉ាងច្រើន។
ទីភ្នាក់ងារឧតុនិយមជាតិជប៉ុនប្រកាសថា ខ្លួនអាចបង្កើនកម្រិតប្រកាសអាសន្នខ្ពស់ សម្រាប់តំបន់ជាច្រើន ដែលមានទឹកជន់លិច និងការបាក់ដី។ យោងតាមទីភ្នាក់ងារនោះថា ភ្លៀងបានធ្លាក់ខ្លាំងបំផុតរយៈពេល៧២ម៉ោងចុងក្រោយនេះ ក្នុងផ្នែកមួយនៃតំបន់កូជីភាគនិរតីប្រទេស ហើយការខូចខាតពិតជាមានខ្ពស់បំផុត ខណៈនេះភ្លៀងកំពុងធ្លាក់ខ្លាំង និងបន្តធ្លាក់នាពេលខាងមុខ ក្នុងផ្នែកយ៉ាងធំរបស់ប្រទេស ពីភាគខាងលិចដល់ភាគខាងកើត។
ផ្ទះសម្បែងទាំងឡាយបានរលំបាក់នៅកន្លែងខ្លះ មកពីការបាក់ដី រួចផ្លូវថ្នល់ទាំងឡាយត្រូវទឹកជន់លិចក្នុងតំបន់គីតាក់យូស៊ូ។ ចំណែកបណ្ដាសារព័ត៌មានបង្ហាញរូបភាពនៃទឹកលាយភក់ហូរយ៉ាងខ្លាំងក្នុងមូលដ្ឋានផ្សេងៗ និងមានបទបញ្ជាជម្លៀសមនុស្សចេញត្រូវបានប្រកាសសម្រាប់ថ្ងៃទី៦ និងទី៧ កក្កដា ដើម្បីនាំមនុស្ស១៧០០០០នាក់ ចាកចេញពីតំបន់ក្រុងកូបេ ហ្វូកូអូកា អូសាកា ណាហ្គាណូ និងក្យូតូ៕
ចែករំលែកព័តមាននេះ