ខេត្តកំពង់ស្ពឺ ៖គ្រោះថ្នាក់ចរាចរណ៍មួយបានកើតឡើងរវាងរថយន្តបុកជាមួយម៉ូតូ ក្នុងទិសដៅបញ្ច្រាសទិសគ្នា បណ្តាលឱ្យរងរបួសធ្ងន់ម្នាក់ កាលពីវេលាម៉ោង៧និង៣០នាទីយប់ថ្ងៃទី៥ កក្កដា ឆ្នាំ២០១៨ នៅចំណុចផ្លូវលំ ស្ថិតក្នុងភូមិកាកាប ឃុំក្សេមក្សាន្ត…
ខេត្តកំពង់ស្ពឺ ៖គ្រោះថ្នាក់ចរាចរណ៍មួយបានកើតឡើងរវាងរថយន្តបុកជាមួយម៉ូតូ ក្នុងទិសដៅបញ្ច្រាសទិសគ្នា បណ្តាលឱ្យរងរបួសធ្ងន់ម្នាក់ កាលពីវេលាម៉ោង៧និង៣០នាទីយប់ថ្ងៃទី៥ កក្កដា ឆ្នាំ២០១៨ នៅចំណុចផ្លូវលំ ស្ថិតក្នុងភូមិកាកាប ឃុំក្សេមក្សាន្ត ស្រុកឧដុង្គ ។
ជនរងគ្រោះឈ្មោះណន អុល ភេទប្រុស អាយុ៤៣ឆ្នាំ នៅភូមិត្រពាំងថ្ម ឃុំក្សេមក្សាន្ត ស្រុកឧដុង្គ ចំណែកម៉ូតូមួយគ្រឿងរបស់ជនរងគ្រោះម៉ាកគប់មូល ធុន C90 ពណ៌ស្លែ គ្មានស្លាកលេខ ។ រីឯភាគីខាងរថយន្តម៉ាក HUMMER ពណ៌លឿង ពាក់ស្លាកលេខ ភ្នំពេញ ២AH-៥៥១៨ បើកបរដោយឈ្មោះរិត លីន ភេទស្រី អាយុ២៣ឆ្នាំ នៅភូមិចាន់សែន ឃុំចាន់សែន ស្រុកឧដុង្គ និងអ្នករួមដំណើរម្នាក់ឈ្មោះវ៉ាង ហ្សៅ ភេទប្រុស អាយុ២៦ឆ្នាំ ជាជនជាតិចិន ស្នាក់នៅការដ្ឋានខ្សាច់ ស្ថិតនៅភូមិចាន់សែន ឃុំចាន់សែន ស្រុកឧដុង្គ ។
ប្រភពព័ត៌មានបានឱ្យដឹងថា រថយន្តមួយគ្រឿងម៉ាក HUMMER ដែលមានបុរសម្នាក់ជាអ្នករួមដំណើរ ចំណែកស្ត្រីម្នាក់ជាអ្នកបើកបរ បានធ្វើដំណើរក្នុងទិសដៅពីលិចទៅកើត លុះមកដល់ចំណុចកើតហេតុខាងលើបានបុកម៉ូតូមួយគ្រឿងម៉ាកគុបមូល ធុន C90 ដែលបើកបរដោយបុរសម្នាក់ ធ្វើដំណើរក្នុងទិសដៅពីកើតទៅលិច បណ្ដាលអោយអ្នកបើកបរម៉ូតូរងរបួសធ្ងន់។
សមត្ថកិច្ចបានអោយដឹងថា ក្រោយកើតហេតុ ជនរងគ្រោះត្រូវបានបញ្ជូនទៅសង្គ្រោះភ្លាមៗផងដែរ។ ចំណែកភាគីខាងរថយន្តមិនបានរត់ទៅណានោះទេគឺនៅទទួលស្គាល់កំហុសរបស់ខ្លួននៅកន្លែងកើតហេតុតែម្តង។ បន្ទាប់ពីធ្វើកំណត់ហេតុរួច សមត្ថកិច្ចបាននាំយកទាំងម៉ូតូ និងរថយន្តមករក្សាទុកនៅអធិ
ការដ្ឋាននគរបាលស្រុកឧដុង្គ ដើម្បីរង់ចាំអោយភាគីទាំង២ធ្វើការសម្របសម្រួលគ្នានៅពេលក្រោយ៕
ចែករំលែកព័តមាននេះ