ក្នុងការកែបញ្ហាអ្វីមួយ ត្រូវមានគំនិតអរិយសច្ចៈរបស់ព្រះសម្ពុទ្ធ។ អរិយសច្ចៈជាគំនិតពិសេសមួយដែលមានលក្ខណៈគ្រប់ជ្រុងជ្រោយ និងជាបែបដែលវិទ្យាសាស្ត្រកំពុងអនុវត្តសព្វថ្ងៃនេះផង ។ ១-ពិនិត្យមើល សិក្សា សាកល្បង ឱ្យបានច្បាស់លាស់ ថាតើជំងឺនេះមានលក្ខណៈ…
ក្នុងការកែបញ្ហាអ្វីមួយ ត្រូវមានគំនិតអរិយសច្ចៈរបស់ព្រះសម្ពុទ្ធ។ អរិយសច្ចៈជាគំនិតពិសេសមួយដែលមានលក្ខណៈគ្រប់ជ្រុងជ្រោយ និងជាបែបដែលវិទ្យាសាស្ត្រកំពុងអនុវត្តសព្វថ្ងៃនេះផង ។
១-ពិនិត្យមើល សិក្សា សាកល្បង ឱ្យបានច្បាស់លាស់ ថាតើជំងឺនេះមានលក្ខណៈ អាការៈដូចម្តេចហើយ តើជាជំងឺអ្វី ហៅថាអរិយសច្ចៈ។
២-ស្រាវជ្រាវរកមើលនូវមូល ឫសគល់ មើមចមដែលនាំឱ្យបញ្ហានេះកើតមានឡើង ដូចជាគ្រូពេទ្យដែលត្រូវរកមូលហេតុនៃជំងឺឱ្យបានច្បាស់លាស់ មុននឹងរើសថ្នាំដែលត្រូវនឹងជំងឺយកទៅព្យាបាល ហៅថា ទុក្ខសមុទយអរិយសច្ចៈ។
៣-តាំងគោលដៅ គោលបំណង ឬសភាវៈ ដែលមិនមានបញ្ហាឱ្យបានច្បាស់លាស់ ដូចជាគ្រូពេទ្យដែលដឹងថា ជំងឺនេះអាចព្យាបាលជាបាន ហៅថា ទុក្ខនិរោធអរិយសច្ចៈ។
៤-ជ្រើសរើសផ្លូវដែលត្រូវដែលស័ក្តិសមទៅនឹងបញ្ហា ត្រៀមយុទ្ធវិធី និងវិធីការការពារ ដើម្បីដោះស្រាយបញ្ហា ឧបមាដូចជាគ្រូពេទ្យជ្រើសរើសថ្នាំដែលត្រូវនឹងជំហឺមកព្យាបាល ហៅថា ទុក្ខនិរោធគាមិនីបដិបទា ។
អរិយសច្ចៈទាំង៤នេះជាផ្លូវនាំទៅរកសេចក្តីចម្រើន និងមានលក្ខណៈបែបវិទ្យាសាស្ត្រដែលកំពុងត្រូវបានយកមកអនុវត្តនាពេលសព្វថ្ងៃនេះផង ។ ការធ្វើតាមអរិយសច្ចៈឱ្យបានគ្រប់ជ្រុងជ្រោយនឹងបានទទួលផលភ្លាមៗ មិនចាំបាច់រង់ចាំជាតិក្រោយទេ ។
ចែករំលែកព័តមាននេះ