ក្រោយស៊ុត២គ្រាប់ជួយអ៊ុយរូហ្គាយទម្លាក់ព័រទុយហ្គាល់នៅវគ្គ១៦ក្រុមកាលពីថ្ងៃអាទិត្យរួចមក កីឡាករ Cavani ដែលរងរបួសសរសៃពួរអំឡុងប្រកួតនោះ នៅតែមិនទាន់ជាសះស្បើយនៅឡើយ ខណៈអ៊ុយរូហ្គាយត្រូវតតាំងជាមួយជើងខ្លាំងបារាំងនារាត្រីនេះហើយ ។ អ្វីដែលធ្វើឱ្យគ្រូបង្វឹកព្រួយបារម្ភកាន់តែខ្លាំងនោះ គឺខ្សែប្រយុទ្ធឆ្នើមរូបនេះ មិនបានចូលរួមហ្វឹកហាត់ជាមួយមិត្តរួមក្រុមកាលពីថ្ងៃពុធនោះទេ…
ក្រោយស៊ុត២គ្រាប់ជួយអ៊ុយរូហ្គាយទម្លាក់ព័រទុយហ្គាល់នៅវគ្គ១៦ក្រុមកាលពីថ្ងៃអាទិត្យរួចមក កីឡាករ Cavani ដែលរងរបួសសរសៃពួរអំឡុងប្រកួតនោះ នៅតែមិនទាន់ជាសះស្បើយនៅឡើយ ខណៈអ៊ុយរូហ្គាយត្រូវតតាំងជាមួយជើងខ្លាំងបារាំងនារាត្រីនេះហើយ ។
អ្វីដែលធ្វើឱ្យគ្រូបង្វឹកព្រួយបារម្ភកាន់តែខ្លាំងនោះ គឺខ្សែប្រយុទ្ធឆ្នើមរូបនេះ មិនបានចូលរួមហ្វឹកហាត់ជាមួយមិត្តរួមក្រុមកាលពីថ្ងៃពុធនោះទេ ដោយសារតែស្ថានភាពរបួសមិនទាន់ធូរស្បើយ ។
ទាក់ទិនទៅនឹងបញ្ហានេះ ដៃគូប្រយុទ្ធយល់ចិត្តថ្លើមគ្នានៅលើសមរភូមិ កីឡាករ Luis Suarez បានលើកឡើងថា «យើងដឹងហើយថា បញ្ហារបួសរបស់គាត់គឺមិនអាចជាសះភ្លាមៗទេ តែទោះជាយ៉ាងណាក៏អ៊ុយរូហ្គាយអាចតតាំងជាមួយបារាំងបានដែរ ។ ខ្ញុំដឹងថា ឆន្ទៈ ចរិត និងការបេ្តជ្ញាចិត្តរបស់គាត់ នឹងនាំគាត់ឱ្យចូលរួមជាមួយយើងមិនខាន ទោះការប្រកួតមិនពឹងលើគាត់ទាំងស្រុងក៏ដោយ» ។
ប្រសិនបើ Cavani ពិតជាខកខានមែននោះ នឹងធ្វើឱ្យតំបន់ប្រយុទ្ធអ៊ុយរូហ្គាយច្បាស់ជាទន់ជ្រាយជាងមុន ខណៈកីឡាករដែលស័ក្តិសមជំនួសតំណែង Cavani អាចជាខ្សែប្រយុទ្ធមកពីក្លិបអេស្ប៉ាញ Girona កីឡាករ Christian Stuani ៕
ជិន សំអូន
ចែករំលែកព័តមាននេះ