សេចក្តីមិនប្រមាទ គឺការរស់នៅដោយមានស្មារតីជាប់ជានិច្ច ឬសេចក្តីព្យាយាម ដែលមានសតិជាគ្រឿងជំរុញ និងឃុំគ្រង បានដល់ការដំណើរជីវិតដោយមានសតិជាគ្រឿងត្រួតត្រាក្នុងការប្រព្រឹត្តប្រតិបត្តិ និងទង្វើគ្រប់បែបយ៉ាងឱ្យប្រយ័ត្នប្រយែងខ្លួន ធ្វើយ៉ាងណាមិនព្រមឱ្យធ្លាក់ទៅក្នុងផ្លូវវិនាស តែមិនព្រមឱ្យខូចឱកាសសម្រាប់អំពើល្អ និងការចម្រើនលូតលាស់ជាដាច់ខាត ។
មានមនសិការក្នុងរបស់ដែលគួរធ្វើ និងគួរលះ យកចិត្តទុកដាក់ នឹករលឹកជានិច្ចចំពោះនាទីដែលខ្លួនត្រូវទទួលខុសត្រូវ មិនបណ្តោយ ឬលះបង់ឱកាសឱ្យកន្លងទៅដោយទទេៗឡើយ គឺធ្វើការដោយយកចិត្តទុកដាក់ ប្រុងប្រៀប និងចម្រើនជារឿយៗដើម្បីជាប្រយោជន៍ដល់ការងារ ។
គ្រប់កិច្ចការត្រូវមានសេចក្តីមិនប្រមាទ ព្រោះសេចក្តីមិនប្រមាទជាផ្លូវមិនស្លាប់ ឬដូចពុទ្ធភាសិតមួយកន្លែងទៀតថា ធម៌ឯកដែលនឹងនាំឱ្យទទួលប្រយោជន៏ទាំងពីរយ៉ាង ប្រយោជន៏បច្ចុប្បន្ន និងប្រយោជន៍អនាគត គឺសេចក្តីមិនប្រមាទនេះឯង ។
ចែករំលែកព័តមាននេះ