ប្រទេសអ៊ីរ៉ង់ ៖ ប្រទេសអ៊ីរ៉ង់ កាលពីថ្ងៃទី៤ កក្កដា បានគំរាមតបវិញចាត់បណ្ដាវិធានការក្ដៅនានា ក្នុងករណីដែលការនាំចេញប្រេងកាតរបស់ខ្លួនត្រូវរឹតត្បិតលើទីផ្សារអន្តរជាតិដោយសហរដ្ឋអាមេរិក។
លោកឧត្ដមសេនីយ៍ ISMAIL KOSARI មេបញ្ជាការរងនៃកងឆ្មាំបដិវត្តន៍អ៊ីរ៉ង់ បានថ្លែងទៅកាន់ទីភ្នាក់ងារព័ត៌មាន YJC ថា ប្រសិនបើការនាំចេញប្រេងកាតរបស់អ៊ីរ៉ង់ត្រូវរឹតត្បិត នោះយើងនឹងមិនអនុញ្ញាតឲ្យនាំចេញប្រេងទៅកាន់ប្រទេសឯទៀតៗ កាត់តាមច្រកសមុទ្រ ORMUZ ឡើយ។
កាលពីសប្ដាហ៍មុនក្រសួងការបរទេសអាមេរិក បានអំពាវនាវដល់បណ្ដាប្រទេសលើពិភពលោក ឲ្យបញ្ឈប់ការនាំចូលប្រេងអ៊ីរ៉ង់ ចាប់ពីថ្ងៃទី៤ វិច្ឆិកា ទៅ បើពុំដូច្នោះទេ នឹងទទួលបណ្ដាទណ្ឌកម្មអាមេរិក ក្រោយពីអាមេរិកចាកចេញពីកិច្ចព្រមព្រៀងនុយកេ្លអែលអ៊ីរ៉ង់៕
ចែករំលែកព័តមាននេះ