រាជធានីភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋនាំគ្នាចាប់ខ្លួនប្រគល់ឲ្យសមត្ថកិច្ច បន្ទាប់ពីធ្វើសកម្មភាពលួចកាច់សោ.កម៉ូតូបានសម្រេច តែត្រូវម្ចាស់ចេញមកទាន់ស្រែកចោរៗ។ ហេតុការណ៍នេះបង្កអោយភ្ញាក់ផ្អើលកាលពីវេលាម៉ោង១២និង១០នាទីថ្ងៃត្រង់ ថ្ងៃទី៥ ខែកក្កដា ឆ្នាំ២០១៨ ស្ថិតនៅផ្លូវបេតុង…
រាជធានីភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋនាំគ្នាចាប់ខ្លួនប្រគល់ឲ្យសមត្ថកិច្ច បន្ទាប់ពីធ្វើសកម្មភាពលួចកាច់សោ.កម៉ូតូបានសម្រេច តែត្រូវម្ចាស់ចេញមកទាន់ស្រែកចោរៗ។ ហេតុការណ៍នេះបង្កអោយភ្ញាក់ផ្អើលកាលពីវេលាម៉ោង១២និង១០នាទីថ្ងៃត្រង់ ថ្ងៃទី៥ ខែកក្កដា ឆ្នាំ២០១៨ ស្ថិតនៅផ្លូវបេតុង ភូមិរោងចក្រ សង្កាត់គោកឃ្លាង ខណ្ឌសែនសុខ ។ 
ជនសង្ស័យដែលត្រូវចាប់ខ្លួនឈ្មោះ នូ ណារិន អាយុ៣២ឆ្នាំ មុខរបរមិនពិតប្រាកដ ស្នាក់នៅភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។ ចំណែកម្ចាស់ម៉ូតូឈ្មោះ កែ សុធារី ភេទស្រី អាយុ២៧ឆ្នាំ មុខរបរនៅផ្ទះ ស្នាក់នៅភូមិរោងចក្រ សង្កាត់គោកឃ្លាង ខណ្ឌសែនសុខ ។ 
តាមម្ចាស់ម៉ូតូបានប្រាប់ឱ្យដឹងថា មុនកើតហេតុ គាត់បានទុកម៉ូតូរបស់គាត់ម៉ាកហុងដាឌ្រីម ពណ៌ខ្មៅ ស៊េរីឆ្នាំ២០១២ ពាក់ស្លាកលេខ ភ្នំពេញ ១BF-៨៥៩២ នៅមុខផ្ទះ រួចអង្គុយនិយាយគ្នាលេងក្នុងផ្ទះ ភ្លាមនោះស្រាប់តែជនសង្ស័យម្នាក់ធ្វើសកម្មភាពលួចម៉ូតូ។ នៅពេលបញ្ឆេះម៉ូតូជិះចេញ គាត់បានឮសំឡេងម៉ូតូក៍ចេញមកមើលឃើញជនសង្ស័យជិះចេញទៅ គាត់ក៏រត់ដេញតាមពីក្រោយ និងស្រែកចោរៗ គាប់ជួនសមត្ថកិច្ចមូលដ្ឋានល្បាតក្បែរនោះឃើញក៏ដេញតាមរហូតជិតមួយគីឡូម៉ែត្រទើបនាំគ្នាចាប់បាន ព្រមទាំងដកហូតបានម៉ូតូមកវិញ។
នៅពេលចាប់បានជនសង្ស័យ ប្រជាពលរដ្ឋក៏បាននាំគ្នាស្វាគមន៍មួយដៃមួយជើងផងដែរ។ ជនសង្ស័យត្រូវបាននគរបាលបញ្ជូនទៅកាន់អធិការដ្ឋាននគរបាលខណ្ឌសែនសុខដើម្បីចាត់ការតាមច្បាប់ ចំណែកម៉ូតូ ត្រូវបានសមត្ថកិច្ចប្រគល់ជូនម្ចាស់ដើមវិញផងដែរ៕
ចែករំលែកព័តមាននេះ