ប្រទេសម៉ាឡេសីុ ៖ អតីតនាយករដ្ឋមន្ត្រីម៉ាឡេសីុ លោកណាជីប រ៉ាហ្សាក់ ត្រូវបានដោះលែង កាលពីថ្ងៃទី៤កក្កដា ដោយបង់ប្រាក់ធានា បន្ទាប់ពីលោកបដិសេធរាល់ការចោទប្រកាន់ពីបទពុករលួយប្រឆាំងរូបលោក ។…
ប្រទេសម៉ាឡេសីុ ៖ អតីតនាយករដ្ឋមន្ត្រីម៉ាឡេសីុ លោកណាជីប រ៉ាហ្សាក់ ត្រូវបានដោះលែង កាលពីថ្ងៃទី៤កក្កដា ដោយបង់ប្រាក់ធានា បន្ទាប់ពីលោកបដិសេធរាល់ការចោទប្រកាន់ពីបទពុករលួយប្រឆាំងរូបលោក ។
លោកទទួលការចោទប្រកាន់៤ករណី ដោយ៣ករណីពីបទរំលោភបំពានលើសេចក្ដីទុកចិត្តហើយបទចោទប្រកាន់មួយទៀតគឺរំលោភបំពានអំណាច ក្នុងក្របខណ្ឌនៃរឿងអាស្រូវ ទាក់ទិននឹងមូលនិធិ1MDBដែលលោកបង្កើតឡើងកាលពីឆ្នាំ២០០៩។
ប្រសិនបើត្រូវទទួលការកាត់ទោស លោកណាជីប នឹងក្លាយជាអតីតមេដឹកនាំម៉ាឡេសីុដំបូងគេ ដែលជាប់ពន្ធនាគារពុំធ្លាប់មានចាប់តាំងពីជាង៦០ឆ្នាំមកហើយនៃប្រវត្តិសាស្ត្ររបស់ប្រទេស។យោងតាមពួកអ្នកសើុបអង្កេតថា ទឹកប្រាក់សរុប៤២លានរីងហ្គីតប្រមាណ១០,៥លានដុល្លារនៃក្រុមហ៊ុនSRCINTERNA-TIONAL ជាអតីតសាខារបស់មូលនិធិិ1MDBត្រូវបានផ្ទេរចូលក្នុងគណនីធនាគារផ្ទាល់ខ្លួនរបស់លោក។
អតីតនាយករដ្ឋមន្ត្រីរូបនេះដែលបដិសេធរាល់ការចោទប្រកាន់ ត្រូវបានដោះលែងក្រោយពីចៅក្រមមួយរូបកំណត់ឲ្យលោកបង់ប្រាក់ធានា ១លានរីងហ្គីតប្រមាណជា២៤៧០០០ដុល្លារ ព្រមទាំងទាមទារឲ្យលោកប្រគល់បណ្ដាលិខិតឆ្លងដែនរបស់លោក។
លោកណាជីបរ៉ាហ្សាក់ត្រូវបានចាប់ខ្លួនកាលពីថ្ងៃទី៣កក្កដា ដោយគណៈកម្មាធិការជាតិប្រឆាំងអំពើពុករលួយ ។ អ្នកនាំពាក្យរបស់លោកអះអាងថា រាល់ការចោទប្រកាន់មានទិសដៅនយោបាយនិងថាអតីតនាយករដ្ឋមន្ត្រីនឹងសម្អាតឈ្មោះលោកនៅមុខតុលាការ។ចៅក្រមដែលកំណត់ការបង់ប្រាក់ធានារបស់លោកណាជីប ឲ្យដឹងថា លោកគ្រោងចាប់ផ្ដើមសវនាការសំណុំរឿងលោកណាជីបរហូុតដល់ថ្ងៃទី១៨កុម្ភៈ ឆ្នាំ២០១៩ ៕
ចែករំលែកព័តមាននេះ