ខេត្តកំពង់ធំ ៖ មានករណីមនុស្សស្លាប់ដោយសារគាំងបេះដូងកាលពីវេលាម៉ោង០៣និង៤២នាទីរសៀល ថ្ងៃទី០៤ ខែកក្កដា ឆ្នាំ២០១៨ នៅចំណុចអូរដំណាក់ ភូមិបោសចំបក់ ឃុំទីពោ ស្រុកសន្ទុក ខេត្តកំពង់ធំ ។
ជនរងគ្រោះឈ្មោះ ឌឿន សាវឿន ភេទប្រុស អាយុ៤១ឆ្នាំ ជនជាតិខ្មែរ មុខរបរកម្មករចាំចំការ មានទីលំនៅភូមិលាភទង ឃុំទ្រា ស្រុកស្ទោង ខេត្តកំពង់ធំ ។ ជនរងគ្រោះជាមនុស្សញៀនស្រាត្រូវបានប្អូនបង្កើតឈ្មោះ ឌឿន ប៊ុននឿន ភេទប្រុស អាយុ៣៧ឆ្នាំ យកមកនៅជាមួយអោយចាំចំការរបស់ខ្លួននៅចំណុចអូរឡិកឡក់ ភូមិអូរធំ ឃុំទីពោ ស្រុកសន្ទុក ខេត្តកំពង់ធំ ។
តាមការបំភ្លឺរបស់ឈ្មោះ ឌឿន ប៊ុននឿន ភេទប្រុស អាយុ៣៧ឆ្នាំ បានបញ្ជាក់ថា បងរបស់ខ្លួនឈ្មោះ ឌឿន សាវឿន នេះជាមនុស្សញៀនស្រាយូរឆ្នាំមកហើយដោយខ្លួនចង់អោយដាច់ស្រាផង និងចង់អោយមានការងារធ្វើផងបានយកមកនៅជាមួយបងប្អូនខ្លួនមានឈ្មោះ ឌឿន សំណាង និងឈ្មោះ ឌឿន សម្បត្តិវិជ្ជា ព្រមជាមួយនឹងកម្មករបីនាក់ទៀត ។
នៅថ្ងៃទី០៣ ខែកក្កដា ឆ្នាំ២០១៨ វេលាម៉ោង១០និង៣០នាទី ស្រាប់តែបាត់បងរបស់ខ្លួន(រងគ្រោះ)មិនឃើញមករោងក៏បាននាំបងប្អូន និងកម្មករដើររកមើលតាមចំការ តាមវាលស្រែ តែមិនឃើញ លុះដល់ថ្ងៃទី០៤ ខែកក្កដា ឆ្នាំ២០១៨ វេលាម៉ោង០៣និង៤២នាទីរសៀល ទើបបានប្រទះឃើញសពបងខ្លួនដេកស្លាប់នៅវាលចំណុចអូរដំណាក់ភូមិស្រែស្រម៉ ឃុំទីពោ ស្រុកសន្ទុក ខេត្តកំពង់ធំ ។
ក្រោយដឹងព័ត៌មានលោកនាយប៉ុស្តិ៍រដ្ឋបាលឃុំទីពោបានដឹកនាំកំលាំង និងសហការណ៍ជាមួយជំនាញ និងក្រុមគ្រួសារសព ។ បានចុះដល់ទីកន្លែងកើតហេតុដើម្បីធ្វើការពិនិត្យកន្លែងកើតហេតុ និងសាកសព ។ ការពិនិត្យនៅជុំវិញកន្លែងកើតហេតុ និងនៅលើដងខ្លួនសាកសពពុំឃើញមានស្លាកស្នាមអ្វីកត់សំគាលទេ ។ សពស្លាប់ដោយការហេវហត់ដើរដូលបណ្តាលគាំងបេះដូងស្លាប់ ។ ក្រោយពិនិត្យចប់បានធ្វើកំណត់ហេតុប្រគល់សពជូនក្រុមគ្រួសារសពយកធ្វើបុណ្យតាមប្រពៃណី ៕
ចែករំលែកព័តមាននេះ