តើអ្នកមានដឹងទេថា ខណៈពេលដែលអ្នកកំពុងតែគេង ប្រព័ន្ធរបស់រាងកាយកំពុងតែធ្វើរឿង ឆ្កួៗជាច្រើន ? រឿងខ្លះអាចធ្វើឲ្យអ្នកគិតមិនដល់ដែរ ប៉ុន្តែកុំបារម្ភអី ព្រោះវាជារឿងធម្មតាទេ ។ ចង់ដឹងថាវាជារឿងអ្វីខ្លះ…
តើអ្នកមានដឹងទេថា ខណៈពេលដែលអ្នកកំពុងតែគេង ប្រព័ន្ធរបស់រាងកាយកំពុងតែធ្វើរឿង ឆ្កួៗជាច្រើន ? រឿងខ្លះអាចធ្វើឲ្យអ្នកគិតមិនដល់ដែរ ប៉ុន្តែកុំបារម្ភអី ព្រោះវាជារឿងធម្មតាទេ ។ ចង់ដឹងថាវាជារឿងអ្វីខ្លះ ចូរតាមដានដូច ខាងក្រោមនេះ៖
១-ស្រកទម្ងន់ ៖ អ្នកអាចបាត់បង់ជាតិទឹកតាមរយៈការដកដង្ហើមចេញមានជាតិខ្យល់សំណើម និងបែកញើសក្នុងពេលគេងយប់ឡើង ។ រឿងនេះកើតឡើងក្នុងពេលថ្ងៃដែរតាមរយៈការញ៉ាំទឹកនិងអាហារ ខណៈពេលដែលអ្នកមិនបានដឹងរឿងនេះទេ ។
បើសិនជាអ្នកគេងបានត្រឹមតែ ៤ ទៅ៥ម៉ោងក្នុងមួយយប់ អ្នកអាចនឹងលុបចោលការហាត់ប្រាណ និងជម្រើសរបបអាហារគ្រប់យ៉ាងដែលអ្នកត្រូវធ្វើនៅពេលថ្ងៃ ។ ដើម្បីសម្រកខ្លាញ់ចង្កេះ ចូរគេងយ៉ាងហោចណាស់៧ម៉ោងក្នុងមួយយប់ ។
២-សីតុណ្ហភាពរាងកាយចុះត្រជាក់ ៖ សីតុណ្ហភាពរាងកាយអាចនឹងចុះត្រជាក់បាន ។ នៅពេលអ្នកមានភាពសកម្មនៅពេលថ្ងៃ មានន័យថា អ្នកកំពុងតែរំលាយជាតិខ្លាញ់ ដូច្នេះការចុះសីតុណ្ហភាពគឺជាវិធីមួយដែលអាចសន្សំជាតិខ្លាញ់ និងបន្ថយអត្រានៃការរំលាយជាតិខ្លាញ់បាន ។
៣-សម្ពាធឈាម និងចង្វាក់បេះដូងថយចុះ ៖ នៅពេលអ្នកសម្រាក រាងកាយមិនត្រូវការច្របាច់ឈាមច្រើន ឬធ្វើការខ្លាំងឡើយ ដូច្នេះវានឹងធ្វើការយឺត ។ សម្ពាធឈាមត្រូវការថយចុះនៅពេលយប់ ដើម្បីផ្តល់នូវប្រព័ន្ធរបត់ឈាមរត់ និងពេលវេលាសាច់ដុំបេះដូងសម្រាក និងជួសជុល ។ យកល្អ សម្រាប់មនុស្ស ម្នាក់ៗដែលមានសម្ពាធឈាមខ្ពស់ គួរតែគេងយ៉ាងហោចណាស់៧ម៉ោងក្នុងមួយឈប់ដើម្បីអាចបញ្ចុះសម្ពាធឈាមបានបណ្តោះអាសន្ន ហើយក៏អាចបន្ថយការកើតជំងឺបេះដូងដែរ ។
៤-សុបិន្ត ៖ បើសិនជាអ្នកភ្ញាក់ក្នុងពិភពសុបិន្ត នោះវាមិនខុសគ្នានឹងអ្វីដែលអ្នកកំពុងតែឆ្ងល់ឡើយ ។ ថ្វីបើការស្រាវជ្រាវជាច្រើនទៅលើការសុបិន និងមានទ្រឹស្តីជាច្រើនអំពីមូលហេតុដែលយើងគេងសុបិនក៏ដោយ តែសព្វថ្ងៃនេះវានៅតែជារឿងអាថ៌កំបាំងនៅឡើយទេ ។ អ្នកវិទ្យាសាស្ត្រនៅតែមិនទាន់អាចទាញហេតុផលអំពីរឿងនេះនៅឡើយទេ។
៥-កម្រើកខ្លួនមិនរួច ៖ ស្ថិតក្នុងស្ថានភាពគេងដែលយល់សុបិន សាច់ដុំជាច្រើនក្រុមនឹងទៅជារឹងជាប់ ដែលមិនអាចធ្វើឲ្យអ្នកកម្រើកបានក្នុងពេលសុបិនឡើយ ។ អ្នកជំនាញខាងការគេងនិយាយថា វាគឺជារឿងសំខាន់ ដោយសារតែស្ថានភាពនេះខួរក្បាលកំពុងតែមានភាពសកម្ម ហើយភ្នែកក៏គ្រលាស់ទៅ កៀនៗដែរ ។ រឿងនេះមិនកើតឡើងទេ អ្នកអាចនឹងគេងមមើ ។
៦-ផលិតអ៊័រម៉ូនលូតលាស់ ៖ ការបន្ធូរអារម្មណ៍រាងកាយទាំងមូលបណ្តាលមកពីអ៊័រម៉ូនលូតលាស់ ដែលវាអាចជួយដល់ឆ្អឹង សាច់ដុំ និងជាលិកា ផ្សេងៗទៀតលូតលាស់។ អ៊័រម៉ូនដ៏មានប្រយោជន៍នេះត្រូវបានបញ្ចេញឡើងខណៈពេលដែលអ្នកគេង ភាគច្រើនគឺស្ថិតក្នុងពេលដែលគេងលក់ខ្លាំង ហើយវាក៏ត្រូវបានគេចាត់ទូកថាកើតឡើងដោយសារតែកម្រិតជាតិស្ករក្នុងឈាមចុះទាបក្នុងពេលគេង ។
៧-បន្ថយការងារតម្រងនោម ៖ មុខងារតម្រងនោមជាធម្មតាគឺជាអ្នកច្រោះជាតិពុលចេញពីក្នុងឈាមដើម្បីបង្កើតជាទឹកនោម។ នៅពេលអ្នកគេង សកម្មភាពច្រោះទឹកនោមរបស់តម្រងនោមនឹងថយចុះ ដូច្នេះក៏មិនសូវមានទឹកនោមដែរ ។ ហេតុដូច្នេះហើយទើបទឹកនោមនៅពេលព្រឹកច្រើនតែខាប់ ៕ស្រង់ពីគេហទំព័រសុខភាព
ចែករំលែកព័តមាននេះ