ខេត្តកណ្ដាល ៖ តាមប្រភពព័ត៌មានបឋមបានឱ្យដឹងថា រថយន្តធុនកូរ៉េមួយគ្រឿងដឹកកម្មកររោងចក្រពេញបានក្រឡាប់ ដែលសមត្ថកិច្ចសង្ស័យទៅលើអ្នកបើកបរខ្វះការប្រុងប្រយ័ត្នជែងក្នុងស្ថានភាពផ្លូវមិនអំណោយផល បណ្តាលឲ្យកម្មករជាច្រើននាក់បានរងរបួសធ្ងន់ និងស្រាល ហើយត្រូវបានដឹកទៅសង្គ្រោះនៅមន្ទីរពេទ្យ ។ គ្រោះថ្នាក់ចរាចរណ៍នេះបានកើតឡើងនៅលើផ្លូវជាតិលេខ៣…
ខេត្តកណ្ដាល ៖ តាមប្រភពព័ត៌មានបឋមបានឱ្យដឹងថា រថយន្តធុនកូរ៉េមួយគ្រឿងដឹកកម្មកររោងចក្រពេញបានក្រឡាប់ ដែលសមត្ថកិច្ចសង្ស័យទៅលើអ្នកបើកបរខ្វះការប្រុងប្រយ័ត្នជែងក្នុងស្ថានភាពផ្លូវមិនអំណោយផល បណ្តាលឲ្យកម្មករជាច្រើននាក់បានរងរបួសធ្ងន់ និងស្រាល ហើយត្រូវបានដឹកទៅសង្គ្រោះនៅមន្ទីរពេទ្យ ។ គ្រោះថ្នាក់ចរាចរណ៍នេះបានកើតឡើងនៅលើផ្លូវជាតិលេខ៣ នៅម្តុំផ្សារកា ស្ថិតក្នុងភូមិតាម៉ូវ ឃុំត្បែង ស្រុកកណ្តាលស្ទឹង ខេត្តកណ្តាល កាលពីព្រឹកថ្ងៃទី៥ ខែកក្កដា ឆ្នាំ២០១៨ ។ 
លោកវរសេនីយ៍ មែន ចាន់រិទ្ធ អធិការនគរបាលស្រុកកណ្តាលស្ទឹងបានអោយដឹងថា មុនពេលកើតហេតុ រថយន្តមួយគ្រឿងប្រភេទហ៊ីយ៉ាន់ដាយ ពណ៌ខៀវ ពាក់ស្លាកលេខ តាកែវ ២A-២២០៣ មានដឹកកម្មកររោងចក្រជាង២០នាក់ ឆ្ពោះទៅរោងចក្រនៅឯរាជធានីភ្នំពេញ លុះបើកមកដល់ចំណុចកើតហេតុ អ្នកបើកបរបានជែងរ៉ឺម៉កមួយគ្រឿងនៅខាងមុខ តែមិនផុត ក៏បួងចង្កូតជ្រុលធ្លាក់ផ្លូវក្រឡាប់ដោយខ្លួនឯង បណ្តាលឲ្យកម្មករជិះលើរថយន្តរងរបួសធ្ងន់និងស្រាលរហូតជាង២០នាក់ ។ 
នគរបាលបញ្ជាក់ថា នេះគ្រាន់ជាព័ត៌មានបឋមទេ ព្រោះសមត្ថកិច្ចកំពុងបន្តស្រាវជ្រាវរកជនរងគ្រោះ បន្ទាប់ពីពួកគាត់ត្រូវបានរថយន្តសង្គ្រោះជាច្រើនគ្រឿងមកពីតាមបណ្តាអង្គភាព មន្ទីរពេទ្យនានា និងមណ្ឌលសុខភាពផ្សេងៗគ្នាមួយចំនួនទៀតបានដឹកបញ្ជូនទៅមន្ទីរពេទ្យនៅឯទីក្រុងភ្នំពេញ ។ ព័ត៌មានលម្អិតនឹងមានផ្សាយជូននៅលើទំព័រកាសែតកោះសន្តិភាព ៕
ចែករំលែកព័តមាននេះ