សារព័ត៌មានបរទេសកាលពីពេលថ្មីៗកន្លងមកផ្សាយថា បាតុភូត «ចន្ទគ្រាស» ឬ«រាហូចាប់ចន្ទ» ដែលមានរយៈពេលយូរបំផុតនៅក្នុងសតវត្សទី២១នេះ ដោយព្រះចន្ទត្រូវស្រមោលផែនដីបាំងពន្លឺព្រះអាទិត្យក្នុងរយៈពេល១ម៉ោង និង៤៣នាទី ។ បាតុភូតនេះនឹងកើតឡើងតាំងពីដំបូងរហូតចប់មានរយៈពេលដល់ទៅ៣ម៉ោង និង៥៥នាទីឯណោះ។…
សារព័ត៌មានបរទេសកាលពីពេលថ្មីៗកន្លងមកផ្សាយថា បាតុភូត «ចន្ទគ្រាស» ឬ«រាហូចាប់ចន្ទ» ដែលមានរយៈពេលយូរបំផុតនៅក្នុងសតវត្សទី២១នេះ ដោយព្រះចន្ទត្រូវស្រមោលផែនដីបាំងពន្លឺព្រះអាទិត្យក្នុងរយៈពេល១ម៉ោង និង៤៣នាទី ។ បាតុភូតនេះនឹងកើតឡើងតាំងពីដំបូងរហូតចប់មានរយៈពេលដល់ទៅ៣ម៉ោង និង៥៥នាទីឯណោះ។
លោកណូអា ប៉េត្រូ(Noah Petro) អ្នកវិទ្យាសាស្ត្រពីមជ្ឈមណ្ឌលអវកាស«Goddard» របស់NASA បានបញ្ជាក់ថាពលរដ្ឋអាមេរិកខាងជើងនឹងគ្មានឱកាសទស្សនាបាតុភូតនេះដោយភ្នែកទេ ប៉ុន្តែក៏មានមនុស្សនៅតំបន់ជាច្រើនទៀតក្នុងទ្វីបអាហ្វ្រិក មជ្ឈិមបូព៌ា អាស៊ីខាងត្បូង និងតំបន់នៅភូមិភាគនៃឈូងសមុទ្រឥណ្ឌានឹងមានឱកាសបានឃើញ ប្រសិនបើអាកាសធាតុមានអំណោយផលល្អ ។
ពេលវេលាដែលចន្ទគ្រាសមានសភាពពេញដួងស្ថិតក្នុងអំឡុងពេលប្រហែលម៉ោង២០និង២១នាទី ឬប្រហែលម៉ោង៣និង២១នាទីយប់នៃថ្ងៃទី២៨ កក្កដាម៉ោងនៅប្រទេសកម្ពុជា ។
ការទស្សនាចន្ទគ្រាស ឬរាហូចាប់ចន្ទ មិនចាំបាច់ប្រើឧបករណ៍ពិសេសដូចសូរ្យគ្រាស ទេ ព្រោះវាជាបាតុភូតផែនដីបាំងព្រះអាទិត្យ ធ្វើឲ្យស្រមោលរបស់ផែនដីបាំងលើដួងចន្ទ តម្រូវឲ្យផ្កាយជាបរិវារនៃផែនដីមួយដួងនេះ មានពណ៌ក្រហមជំនួសពណ៌លឿង ។ ចំណែកចន្ទគ្រាសពេញដួងលើកក្រោយនឹងកើតមាននៅថ្ងៃទី២១ មករា ២០១៩មានរយៈពេលប្រហែល១ម៉ោង និង២នាទី ៕
ចែករំលែកព័តមាននេះ